O Saviñao

Na Galipedia, a wikipedia en galego.

Galicia en progreso: Este artigo é, polo de agora, só un esbozo. Traballa nel, especialmente se vives neste sitio, e contribúe a que a Galipedia ofreza a mellor información posíbel sobre o noso país. Pódeche resultar útil ver outros artigos sobre Galicia ou consultar o nomenclátor oficial.

Se esta é a páxina dun concello: Completa o apartado "Política" actualizado cos datos de 2007 (partidos co número de concelleiros e nome do alcalde ou alcaldesa) e borra {{Eleccións en progreso-concellos}}. Fai clic en Eleccións municipais en: CONCELLO e completa os datos que falten nesa páxina. Os datos pódense obter de: Os resultados oficiais do Ministerio do Interior (ano 2007) A TVG (histórico) Eleccións municipais de maio Se esta páxina se chama Eleccións municipais en CONCELLO: Crea a gráfica coa evolución política (Podes seguir este exemplo). Completa os nomes dos alcaldes e os partidos gobernantes. Cando estea rematado borra {{Eleccións en progreso-concellos}}. Se esta páxina se chama Eleccións Municipais ANO en Galicia: Fai clic nas ligazóns do tipo Modelo:CONCELLO ANO e crea as gráficas correspondentes (Podes seguir este exemplo).

O Saviñao
Situación
Xentilicio 1:	Saviñádigos
Xeografía
Provincia:	Provincia de Lugo
Comarca:	Terra de Lemos
Área:	196,6 km²
Entidades de poboación:	-
Capital do concello:	Escairón
Latitude e lonxitude:
Altitude máxima:	- m.
Altitude mínima:	m.
Zona horaria: 2	UTC + 1
Demografía (2007)
Poboación:	4.681 hab.
Densidade:	23,81 hab./km²
Uso do galego 3 (2001)
Galegofalantes sobre o total da poboación:	99,18 %
Falantes do galego no tramo 5 a 29 anos
Sempre:	87,74 %
Ás veces:	10,17 %
Nunca:	2,07 %
Política (2003)
'Concelleiros 4:	PPdeG ' (votos - %) BNG ' (votos - %) PSdeG-PSOE ' (votos - %) Outros: - (- %)
Alcalde:	[[]] ()
Eleccións municipais en: O Saviñao {{{eleccións}}}
Censo electoral (2003)
Total electores:	- 100 %
Votantes:	- %
Abstencións:	- %
Votos en branco:	- %
Votos nulos:	- %
Orzamentos (2000)
Enderezos
Enderezo físico:
Teléfono:
Fax:
Código postal:
Correo electrónico:
http://www.concellodosavinao.com
Notas: 1 Véxase no Galizionario. 2 No verán: UTC + 2. 3 Datos de 2001 publicados en 2004. 4 Eleccións municipais maio 2007.

O Saviñao é un concello da Provincia de Lugo en Galicia. Pertence á Comarca da Terra de Lemos.

Poboación en 2007: 4.681 persoas segundo o Padrón municipal de habitantes.

Xentilicio (véxase no Galizionario) : Saviñádigos

Índice 1 Situación 2 Historia 3 Patrimonio 3.1 Cultura Castrexa 3.2 Arquitectura Civil 4 Socio-Economía 5 Festividades, Feiras e Mercados 6 Galería de imaxes 7 Lugares do Saviñao 8 Parroquias 9 Véxase tamén

[editar] Situación

O concello do Saviñao está enclavado na Ribeira Sacra, dentro da Comarca de Terra de Lemos, situado ó sur da provincia de Lugo. Limita ó norte cos concellos de Paradela e Taboada, ó sur con Pantón, ó leste con Pantón, Monforte de Lemos e Bóveda e ó oeste con Taboada e Chantada. A altitude media é de 600 metros sobre o nivel do mar. Está atravesado polos ríos Miño, Sardiñeira, Saviñao, Pez, Barrantes e Porriño.

Ten 29 parroquias. A capital do concello, Escairón, ten aproximadamente uns 1000 habitantes. O segundo núcleo de poboación é Currelos, a cabeceira da zona norte do concello.

A súa economía é fundamentalmente agrícola, contando tamén con industrias lácteas, vinícolas e da construcción. A potenciación do turismo rural e cultural desta zona supón un pulo para a mesma. No aspecto comercial destacan as feiras que se celebran mensualmente, en Escairón os días 8 e 19, e en Currelos o día 26.

[editar] Historia

As primeiras mostras de ocupación son a mámoa de Abuime e numerosos restos da cultura castrexa. Neste periodo, os habitantes dos castros de Saviñao, pertenceron á tribu dos Lemavi, citada por Tolomes, e eran veciños dos Seurri, habitantes dos actuais concellos de Sarria e Taboada. Durante esa época Saviñao rexistrou unha importante ocupación do espazo.

Entre os séculos I e IV tivo lugar o asentamento e dominio romano sobre o noroeste lucense, período no que se pode datar a construción da vía romana que concluía nos Codos de Belesar. Tratábase dunha vía secundaria dentro do esquema vial romano.

Outros restos da presenza romana proveñen de distintos hachádegos encontrados en castros romanizados: cerámica feita con "terra sixilada", moedas, a peza pétrea de Abuime, ou a mesma escultura Mourelos. Coa caída do imperio Romano a finais do século IV, iniciouse unha etapa de transición ata a Idade Media.

Desta etapa apenas quedan algús topónimos, como Sixiriz, Arxeriz, Meitriz, Alperiz ou Reiriz entre outros.

No século VI, mercede á labor de Martín Dunio, gran impulsor do monacato, existen referencias explícitas da Ribeira Sacra.

Entre os séculos VI e VII, hai que encadrar a creación dos primeiros cenobios en terras do Saviñao, pois aínda que non hai unha documentación específica, si existen documentos que falan de fundacións e donacións a partir do século X, o que fai supor que existían anteriormente, sendo exemplos Santo Estevo e San Vitorio de Ribas de Miño. Desa etapa medieval tamén se conservan unha serie de sarcófagos (Louredo e San Sadurniño de Piñeiró), restos residuais do que foron tumbas de personaxes importantes no contexto sociopolítico do Saviñao.

[editar] Patrimonio

En arqueoloxía cabe destacar a Anta de Abuime ou o campo de Mámoas de Abuime, situado nunha chaira da parroquia de Saviñao, a uns catro quilómetros do Escairón. Consérvanse boa parte das mámoas.

[editar] Cultura Castrexa

Contabilízanse vintesete castros no concello (Castro de Abuime, Castro da Torre en Freán, Castro de Illón en Licin, Castro da Portela en Diomondi, Castro de Mourelos, Castro da Besta en Vilelos, Castro de Villacaiz...). Destacan o de Vilacaiz e o de Abuime pola súa fácil visibilidade.

[editar] Arquitectura Civil

Destacan varias edificacións:

• Pazo de Vilelos, de planta en L, cunha capela duns cen metros cadrados e flanqueada polos escudos dos Ulloa, que rexentaron o pazo durante varias xeracións. Os seus fundadores foron Juan González de Ulloa e Catalina López de Sober.

• Pazo de Arxeriz, que foi propiedade de Juan López Súarez (Xan de Forcados). O seu primeiro fundador foi Gonzalo Raxo, cabaleiro da Orde de Santiago, a mediados do século XVI. Ten planta cadrada e destacan os seus dous blasóns situados na fachada norte. Posee numerosas dependencias anexas, restauradas recentemente.

• Pazo das Cortes, situado fronte á igrexa románica de San Pelaio de Diomondi. Ten planta en U e adosada unha capela dedicada á Nosa Señora da Asunción. Xunto á portada ten os escudos dos Somoza, do século XVIII.

• Casa da Abadía de Santo Estevo de Ribas de Miño. Está rodeada por un muro de pedra, accedéndose por un portalón con arco de medio punto. Ten planta rectangular e unha capela exterior de pequenas dimensións.

Ademais cabe destacar o Pazo de Lamaquebrada en Fión, o Pazo de Casadonas en Licin, o Pazo de Fraguas en Louredo, ou a Casa Grande de Mosiños.

O único edificio que se pode considerar de arquitectura militar en Saviñao é a torre-forte da Candaira en Rebordaos. É do século XIII, con planta cadrada de 9,81 por 9,94 metros; consta de tres plantas, na última están as almenas. Foi propiedade de Francisco de Garza de Quiroga Taboada y Álvarez de Castro, señor de Tor. Na actualidade pertence a Álvaro Taboada de Zúñiga.

[editar] Socio-Economía

A principal actividade económica é a agricultura e a gandería. Estes sectores no pasado foron case exclusivos, prevalecendo o cultivo de produtos da horta. Comercialízanse as crías de gando vacún, ovino e porcino, ademais de productos lácteos.

Os traballadores agrarios por conta allea realizan actividades na loita contra incendios ou na repoboación forestal, tarefas moi importantes na zona para o coidado do medio ambiente e pola oferta de empregos para traballadores non cualificados.

A hostalería é outra actividade en auxe, debido á aceptación crecente do turismo rural e á promoción da zona pola súa beleza natural.

A albanelaría é tamén outra actividade en auxe, especialmente pola rehabilitación e construción de vivendas.

As pensións son unha das principais fontes de ingresos debido ó elevado número de persoas xubiladas, unido ó número de pensionistas por outros conceptos, como invalidez ou viuvez.

A renda familiar por habitante encóntrase entre os 7.800 e os 8.275 €, que proceden dos ingresos de actividades agrícolas e das pensións.

A maior parte da poboación só ten estudios primarios.

[editar] Festividades, Feiras e Mercados

A feira de Escairón transcorre os días 8 e 19 de cada mes e en Currelos son os días 26.

Na primeira semana de agosto celébranse as festas patronais de Escairón, en honra da Nosa Señora das Dores.

O maior atractivo é a "carreira de burros", celebrada a mañá do último día de festa, e que vai seguida da competición do tiro de corda por parroquias.

[editar] Galería de imaxes

Vexa o artigo principal en: Galería de imaxes do Saviñao

Igrexa de Santo Estevo de Ribas de Miño

[editar] Lugares do Saviñao

Para unha lista completa de todos os lugares do concello do Saviñao vexa: Lugares do Saviñao.

[editar] Parroquias

Galicia | Provincia de Lugo | Parroquias do Saviñao

Abuíme (San Xoán) | A Broza (San Tomé) | Chave (San Sadurniño) | A Cova (San Martiño) | Diomondi (San Paio) | Eirexafeita (San Vicente) | Fión (San Lourenzo) | Freán (Santa Cecilia) | A Laxe (San Fiz) | Licín (Santalla) | Louredo (Santiago) | Marrube (Santa María) | Mourelos (San Xulián) | Ousende (Santa María) | Piñeiró (San Sadurniño) | Rebordaos (Santalla) | Reiriz (Santa María) | Rosende (Santa Mariña) | San Vitoiro de Ribas de Miño (San Vitoiro) | Santo Estevo de Ribas de Miño (Santo Estevo) | Segán (Santa María) | Seteventos (Santa María) | Sobreda (San Xoán) | Vilacaíz (San Xulián) | Vilaesteva (San Salvador) | Vilasante (San Salvador) | Vilatán (San Xoán) | Vilelos (San Martiño) | Xuvencos (Santiago)

[editar] Véxase tamén