Warns
Ut Wikipedy
Warns is in doarp yn de gemeente Nijefurd, mei 827 ynwenners (1 jannewaris 2003). It is in lintdoarp dat fan it Johan Frisokanaal yn it noarden oant Laaksum by de Iselmar yn it suden rint. Troch dizze lizzing is de wettersport foar Warns fan grut belang, benammen de jachtbou.
Ynhâld |
[bewurkje seksje] Omfang
Ta it gebiet fan Warns hearre ek de buorskippen Laaksum en Skarl.
Yn de Midsieuwen wie hjir ek noch it doarp en kapel Kappenburch, dat letter opgien is yn de Warnser Noarderbuorren.
[bewurkje seksje] Skiednis
Men tinkt by Warns al gau oan de Slach by Warns (1345). Eartiids stie hjir de stins fan Jelmer Ottes Sytzama, en doe't Douwe Geales Galema yn 1490 hjir ek in stins bouwe liet wie der spul: De earste wie Skier, de oar wie Fet. Dat hat duorre oant Galema de stins fan Sytzama wûn en ôfbrekke liet.
[bewurkje seksje] Skipfeart
Yn de 17e en 18e ieu wie Warns in doarp fan seelju. Sa hat Warns oan it begjin fan de 18e ieu, noch 8 grutskipperswenten, wenten fan kapteins. Dy kapteins fearen nei Noarwegen en nei de Eastsee. Yn de 19e ieu gong skipfeart mear nei Hollân, en doarpen as Warns rûnen tebek.
[bewurkje seksje] Mienskip
It doarpskultuerhûs yn de eardere gereformearde tsjerke út 1892 hjit De Spylder. It doarp hat ien feriening Doarpsbelang mei Skarl & Laaksum. Der rydt in buertbus en der is in postagintskip. Warns hat twa skoallen, De Skoalfinne en De Totem en it pjutteboartersplak hjit Us Stee. Der binne fjouwer buertferienings: B.V. 95 ('t Noard), Ald en Nij (Boppelâns), De Middenkrite en Fan See tot Zee.
[bewurkje seksje] Ferienings
- Sult - teatergroep
- toanielploech Warns
- De Alde Klysters - koar
- De lytse Sûdwesthoeke - muzyk
- QVC - fuotbal
- sjitferiening
- badmintonferiening
- WSV - gymnastyk, judo en folleybal
- damclub
- Stifting Natoer en Lânskip
- Fûgelwacht
[bewurkje seksje] Befolking
[bewurkje seksje] Strjitten
't Noard, 't Sein, 't Sou, Ats Bonninghawei, Boppelâns, Buorren, De Waske, Himmelumerdyk, Janke Trompstrjitte, Kampenspaad, Kapelstrjitte, Klipper, Laaksum, Nei de Feart, Op 'e Wâl, Pastorywei, Reade Wei, Skarl, Skarlerdyk, Tsjalk.
