Kachelotplate
Ut Wikipedy
| Kachelotplate | |
|---|---|
 |
|
| Basis ynformaasje | |
| Namme | Kachelotplate |
| Lân | Dútslân |
| Eilannegroep | Fryske eilannen |
| Lokaasje | Noardsee |
| Ynwenners | - |
| Oerflak | 2,3 km² |
De Kachelotplate is in ûnbewenne Frysk eilân. It eilân beslacht in gebiet fan likernôch 260 hektare, it hat in lingte fan 2,5 kilometer en in breedte fan 1,3 kilometer. De Kachelotplate leit sa’n 2,5 meter boppe de seespegel. It East-Fryske eilân leit tusken Borkum en Júst yn. It leit inkele kilometers noardlik fan Memmert. De namme fan it eilân komt fan it Frânske wurd ‘cachelot’, dat potfisk betsjut.
[bewurkje seksje] Erkenning as eilân
De Kachelotplate hat oant in pear jier werom in sânplaat west. Mar trochdat de dunen grutter en heger waarden en der gers begûn te groeien op it eastlike part fan it eilân foldie de sânplaat oan de easken dy’t oan in eilân steld binne. Bygelyks in oerflak fan mear as 160 hektare en dat it eilân by gemiddeld heech wetter net mear oerstreamt. Sadwaande makke de Niedersächsischer Landesbetrieb für Wasserwirtschaft und Küstenschuts (NLWKN) op 28 july 2003 bekend dat de Kachelotplate sa grut wurden wie dat it offisjeel as eilân yn de boeken kaam. Hjirtroch is de Kachelotplate it jongste eilân fan alle Fryske eilannen.
It eilân groeit hieltyd tichter nei it eilân Memmert ta. Allinnich in smelle slinke soarget der foar dat de beide eilannen noch net oan elkoar groeid binne. Yn de takomst soene de eilannen oan elkoar groeie kinne, dit kin noch wol tsientallen jierren duorje. Dat dit ek definityf bart is net wis, mooglik ferdwynt it eilân sels wer yn de see troch in grutte stoarm.
[bewurkje seksje] Natuer
Lytse eilannen en sânplaten yn de Waadsee spylje in wichtige rol as nêstgebiet foar fûgels en rêstplak foar seehûnen. Dêrom is it eilân ta in Nasjonaal Park útroppen. Rûn it eilân mei net ûnnedich mei boaten fard wurde en ek fleantugen meie net al te leech oer fleane. Yn 2006 binne in oantal Swarte seehûnen ûntdutsen op it eilân. Der wurdt oannaam dat der op it eastlike part fan it eilân in koloanje Swarte seehûnen fêstige is.
[bewurkje seksje] Keppelings om utens
Artikel op de side van de NLWKN oer it groeien fan de Kachelotplate nei Memmert ta (Dútsk)
|
|
|---|
|
Westfryske eilannen: |
