Wangereach
Ut Wikipedy
Wangereach is in Eastfrysk eilân. It leit it fierst nei it easten fan de Eastfryske eilannen. It wurdt skieden fan it earstfolgjende eilân Spikereach troch it seegat de Harle. It eilân is om-ende-by 8,5 kilometer lang en mar ien kilometer breed. Der wenje mear as 1000 minsken. Wangereach heart ta de Dútske dielsteat Nedersaksen.
[bewurkje seksje] Duneneilân
Wangereach is in dúneneilân dat it foaral hawwe moat fan it toerisme. Der komme jierliks mear as 80.000 toeristen nei it eilân. It is te berikken mei de fearboat fanút Harlesiel en der wurdt ek op flein. Lykas op it Westfryske eilân Skiermûntseach en de oare Eastfryske eilannen meie der op Wangereach gjin auto's ride. Tusken de haven en it dorp Wangerach leit in spoarlyntsje. Op Wangereach is it besikerssintrum "Rosenhaus" fan it Nasjonaal Park Waadsee te finen, dêr't jierliks likernôch 40.000 besikers komme.
[bewurkje seksje] Taal
Oant sirka 1930 waard der op Wangereach in fariant fan de Fryske taal sprutsen, it saneamde Wangereagersk. Sûnt dit Eastfryske dialekt útstoarn is, libbet it Eastfrysk allinnich troch yn it Sealterfrysk op de fêstewâl. Tsjintwurdich sprekt men op Wangereach neist it Dútsk in Nedersaksysk dialekt.
[bewurkje seksje] Keppelings om utens
- Lûdfoarbyld fan it Wangereachsk, mei transkripsje, neisprutsen opname en oersetting
- Jiskepûster yn it Wangereachsk
|
|
|---|
|
Westfryske eilannen: |
