Bodensee
Oddi ar Wicipedia
| Bodensee | |
|---|---|
 |
|
| Cyfesurynnau | 47°39′Gog 9°19′Dwy |
| Tarddiadau Cynradd | Rhein |
| All-lifoedd Cynradd | Rhein |
| Dalgylch | 11500 km² |
| Gwledydd Basn |  Yr Almaen Awstria Y Swistir Liechtenstein |
| Hyd Mwyaf | 63 km |
| Lled Mwyaf | 14 km |
| Arwynebedd | 539 km² |
| Dyfnder Cyfartalog | 90 m |
| Dyfnder Mwyaf | 252 m |
| Cyfaint Dŵr | 55 km³ |
| Dyrchafiad Arwyneb | 395 m |
| Ynysoedd | Mainau, Reichenau, Lindau |
| Treflannau | Nifer |
Llyn mawr ar Afon Rhein rhwng yr Almaen, y Swistir ac Awstria yw'r Bodensee (Almaeneg Bodensee, Ffrangeg Lac de Constance). Mae ganddo arwynebedd o 536km2. Mae'r llyn yn cynnwys tair ynys fawr, Ynys Mainau, Ynys Reichenau ac Ynys Lindau, ynghyd â nifer o ynysoedd llai. Fe'i lluniwyd yn ystod Oes yr Iâ gan rewlif y Rhein.
Daw ei enw oddiwrth enw'r pentref Bodman ar ben gogledd-orllewinol y llyn. Ffurfiau cynharach ar ei enw yw Bodmansee a Bodansee. Mae llawer o ieithoedd Ewropeaidd yn defnyddio enwau ar y llyn (megis Ffrangeg Lac de Constance, Saesneg Lake Constance, Eidaleg Lago di Costanza, Portiwgaleg Lago de Constança, Sbaeneg Lago de Constanza) sy'n tarddu oddiwrth enw Konstanz, dinas fwyaf ar lan y llyn.
