Syria

Gikan sa Wikipedia, ang gawasnong ensayklopedya

Syria o Siria (Arabiko: سوريا Sūriyā o سورية Sūriyah), opisyal: Republikang Arabo sa Syria (Arabiko: الجمهورية العربية السورية ), usa ka nasod sa Middle East sa Habagatang-kasadpang Asya, giutlanan sa Dagat Mediteranyo ug Lebanon sa kasadpan, Israel sa habagatang-kasadpan, Jordan sa habagatan, Iraq sa sidlakan, ug Turkey sa amihanan. Ang modernong estado sa Syria usa ka mandato sa Pransiya kaniadto ug naindependente niadtong 1946. Ang Syria adunay kasaysayan niadto pang ika-4 nga milenyo BC; ang iyang kapital nga dakbayan, Damascus, mao ang seat sa Imperyong Umayyad ug ang probinsyal kapital sa Imperyong Mamluk.

Ang populasyon niini 19.3 ka milyon. Ang mayoridad mga Sunni Muslim nga Arabo nga 74% sa populasyon. Uban pang grupo nga Muslim nao ang Alawites 11%, Druze ubp 5%. Aduna say sektang Kristyano nga 10% sa populasyon. Sugod 1963, gidumala ang nasod sa Partidong Baath; ang ulohan sa estado sugod 1970 miyembro sa pamilyang Assad. Ang presidente sa Syria si Bashar al-Assad, anak ni Hafez al-Assad, lider gikan 1970 hangtod pagkamatay sa 2000.

Ang Syria sa iyang kasaysayan, sakop ang mga teritoryo sa Lebanon, Israel, West Bank, Gaza Strip ug parte sa Jordan, pero dili labot ang rehiyon sa Jazira sa amihanang-sidlakan sa modernong nasod. Ang kining rehiyon sa Syria nailhan usab nga Greater Syria o sa Arabiko, Bilad al-Sham (بلاد الشام). Sa Gerang Unom ka Adlaw niadtong 1967, ang Israel misakop sa Golan Heights nga gikan sa Syria.