Vogalenn serr a-raok gwasket

Diwar Wikipedia, an holloueziadur digor

Ar vogalenn serr a-raok gwasket a zo anezhi ur son vogalennek resis implijet gant yezhoù 'zo, en o zouez ar svedeg.

N'eus arouezenn resis ofisiel ebet evit treuzskrivañ ar son-mañ hervez reolennoù al lizherenneg fonetikel etrebroadel.

[kemmañ] Skouerioù:

Dre ma n'eus arouezenn arbennik ebet evit merkañ ar fed ma vez gwasket distagadur ur vogalenn e vez implijet amañ ar sin diakritek bet implijet gwezhall evit merkañ ar gweuzadur chomet dizimplij ([  ̫]) evel arouezenn ad hoc:

• Svedeg (rannyezh ar C'hreiz): ut [ʉ̟ːt] pe [ʉ̟β̞t] (help·info), 'out'

Peurliesañ e reer gant an arouezenn evit treuzskrivañ ar vogalenn (dam)serr (tost) a-raok kavet e svedeg ar C'hreiz [ʉ̟], distaget hir atav. Treuzskrivet e c'hellfe bezañ [ʏ̫] a-hendall.

Alies e svedeg e vez distaget evel un diftongenn ar vogalenn hir /u/ achu gant ar son damkensonennel diweuz dre dostaat [β̞] kentoc'h evit ar gensonenn gweuz-staon dre dostaat ront [ɥ]. E svedeg e vez enebiet ar son-mañ war al live fonologel ouzh ar Vogalenn serr a-raok ront [y], distaget alies evel un diftongenn [yɥ].

Gant rannyzhoù svedek all e vez implijet ur vogalenn serr a-greiz gwasket en he lec'h. Gwasket e vez ivez ar vogalenn tost a-dreñv e svedeg.

[kemmañ] Gwelit ivez:

• Vogalenn
• Vogalenn serr a-greiz gwasket
• Vogalenn serr a-dreñv gwasket