Miss Kittin

Diwar Wikipedia, an holloueziadur digor

Miss Kittin e 2004

Miss Kittin (ganet Caroline Hervé e Grenoble e 1973) zo anezhi un DJ war ar sonerezh elektronek, ur ganerez hag un oberourez. Levezonet eo he sonerezh gant an electronica, an elektro hag an tekno. Troet eo ivez war an arzoù gwelet (studiañ a reas an arzoù grafek hag a vremañ en École Supérieure d'Art et de Design e Amiens). Deuet eo da vezañ dedennet gant levezonoù liessuert evel ar sonerezh klasel, ar jazz, ar funk, an disco ha ar sonerezh pop saoz. Unan eus DJed vrudetañ al leurenn tekno eo deuet da vezañ.

Kregiñ a reas gant he micher DJ e-pad troiadoù e Frañs, Moskva ha Chicago asambles gant Mike Dearborn. Kejañ a reas gant DJ Hell e Marsilha un nebeud amzer goude. Fellout a reas dezhañ enrollañ ganti evit e label alaman International DJ Gigolo.

Miss Kittin hag an Hacker a embannas First Album e 2001. Meur a don a zeuas da vezañ tonioù diazez en electroclash, en o zouez "1982" ha "Frank Sinatra". Adalek 1991 e zeas da sonveskañ e Europa a-bezh. Kuitaat a reas Bro-C'hall e 1996 ha mont a reas da chom e Jeneva e Suis. E Berlin emañ o chom hiziv an deiz.

Deuet eo da vezañ unan eus sonerien bouezusañ an electroclash. Labourat a ra gant The Hacker met ivez gant Felix da Housecat, Chicks on Speed ha Golden Boy. Embann a reas ur c'hendastumad tekno dindan he anv dezhi (Miss Kittin on the Road) e 2002. He fladenn solo I Com he deus elfennoù eus doareoù elektronek disheñvel. Arnodeloc'h eo eget he flanedennoù diaraok.

Kenlabouret he deus ivez gant Sven Vath, Steve Bug hag Ellen Allien (evit adsonveskoù).

Embannet e voe Miss Kittin Live at Sonar e 2006, enrollet e-pad ar festival sonerezh elektronek brudet Sonar e Barcelona. Seniñ a reas he zonioù dezhi ha re Aphex Twin, Modeselektor ha Boom Bip. 2006 a voe ivez bloaz embannadur ar blanedenn zoubl Miss Kittin: Bugged Out. He eil albom BatBox a erruas e miz C'hwevrer 2008.^[1] Deuet eo da seniñ e Breizh meur a wech, da geñver festival Astropolis e Brest.