Chicago
Diwar Wikipedia, an holloueziadur digor
Labour zo d'ober c'hoazh a-raok peurechuiñ ar pennad-mañ. Ma fell deoc'h reiñ un tamm skoazell, krogit e-barzh. Mar karfec'h reiñ hoc'h ali ha netra ken, grit 'ta e pajenn ar gaozeadenn.
Chicago, kêr eus SUA, en Illinois, an trede kêr vrasañ eus ar Stadoù-Unanet. Kêr staliet e Norzh ar SUA, lec’hiet e Reter ar mississippi, en Illinois.
Taolenn |
[kemmañ] Geografiezh
Chicago a zo trede kêr vrasañ ar Stadoù-Unanet hag ur penn-ahel ekonomikel pouezhus. Ur mor a dourioù uhel a ziskouez ar Cental Business District (CBD), pe karter an aferioù. Tri eus tourioù uhel Chikago a zo e touesk 20 tour uhelañ er bed : An John Hancock Center (344 metrad uhelder, an Aon Center (346 metrad uhelder) hag ar Sears Tower (442 metrad uhelder). Chicago a en em led war 47 km war mervent ribl ar ster eus al lenn Michigan. A gêr a zo anvet windy city (kêr an avelioù) abalamour ma ‘z eus avelioù kreñv a-hed ar bloavezh.
[kemmañ] Ekonomiezh
Trede kêr vrasañ ar Stadoù-Unanet goude New-York ha Los Angeles, Chicago a zo ar greizenn trenoù gentañ. Kalz a genwerzh a vez graet, ur penn-ahel industriet pouezhus eo (govelerezh, metalouriezh, kimiezh, moullañ, agrovouedel, elektronek, hag all) hag unan eus ar marc’hadoù bedel brasañ e-keñver evit an hedoù hag ar chatal.
Chicago a zo rannet e tri c’harter bras: an norzh (kentoc’h tiez ha tourioù evit lojañ), ar c’hornog ( lodenn greantelaet) hag ar su (karterioù evit lojañ).Bez ‘z eus ivez ar c’hreiz kêr, the loop (ar c’helc’h). War-bouez un nebeut kilometradoù aod riblet gant greanterezhioù, tost tout an aodoù a zo implijet evit an amzer vak (mirdioù, aodoù ha gourliorzhoù). Savadur an tour-uhel Amerikan gentañ e 1885, en deus merket ganedigezh skol Chicago, an dudennoù skouerius o vezañ Louis Sullivan, William Baron Jenney, Daniel H. Burnham, Frank Lloyd Wright ha Mies van der Rohe. Ar Sears Towers, 110 estaj, a zo bet e-pad pell an tour brasañ er bed, a-raok bezañ dipaseet gant an tourioù Petronas (452 metrad uhelder) eus Kuala Lumpur.
[kemmañ] Sevenadur
Mirdioù bras a zo e Chicago, an art Institute of Chicago (1879) da skouer, unan eus mirdioù amerikan pouezhusañ en arzhoù kaer, pe c’hoazh, ar Field Museum of Natural History (skiantoù naturel ha skiantoù ar vuhez diwar-benn an den). Laz-seniñ simfoniek Chicago, krouet e1891 a zo anavezet e-giz unan eus ar re wellañ er bed. Ar gêr a zo kerbenn ar blues: eus stadoù ar su eo deuet kalz a sonerien evit klask muioc’h a arvesterien.
[kemmañ] Istor
E 1673, an ergerhourien c’hall Jacques Marquette ha Louis Jolliet a zizolo an dachenn e lec’h m’emañ Chicago staliet bremañ, ur c’hantved a-raok ma grokfe an dud da erruout evit staliañ ar gêr. E 1848, gant kleuzadenn kanol an Illinois ha gant donedigezh an hentoù houarn a aotren brasadenn ar gêriadenn setu perak e teu kalz a dud da staliañ o zi. E-kerzh ar berzh (1919-1933), Chicago a zeu da vezañ brudet gant al laerien hag al lazherien, Al Capone o vezañ an hini anevezetañ. E-pad ar bloavezhioù ziwezhañ, kalz a labourioù a zo bet graet evit adnevesaat karterioù
[kemmañ] Gevellerezh
Chicago zo gevellet gant seizh kêr war ugent [1] Kalz anezho zo, evel Chicago, eil kêr o bro. Ul lodenn all zo kêr pennañ o bro, hag n'he deus kaset kalz disvroidi da Chicago.
|
|
[kemmañ] Daveoù
- ↑ Sister Cities designated by Chicago Sister Cities International Retrieved on May 22, 2007.