Нафта
З Вікіпедыя.
НА́ФТА, вадкі гаручы карысны выкапень. Складаная сумесь вуглевадародаў розных класаў і іншых злучэнняў. Пашырана ў асадкавай абалонцы Зямлі. Утвараецца звычайна на глыбіні больш за 1,2-2 км.
Сярод краін свету найбольшыя запасы нафты маюць Саудаўская Аравія, Расія, Ірак, Кувейт, Іран, Венесуэла.
На Беларусі радовішчы нафты вядомы на Прыпяцкім прагіне, галоўным чынам у Гомельскай вобласці. Першае прамысловае радовішча адкрыта ў Рэчыцкім раёне ў 1964. Сярэдняя штогадовая здабыча нафты на Беларусі складае зараз 1,8 млн. т.
Нафта выкарыстоўваецца для атрымання вадкага паліва, змазачнага масла і інш., а таксама як сыравіна ў хімічнай прамысловасці.
