Economía
De Biquipedia
A Economía estudea os prozesos de preduzión y destribuzión d'a riqueza en a soziedá umana. A economía ye a primer zenzia que estudea a satisfazión d'as nezesidaz umanas por meyo de recursos escasos. A economía parte d'o prenzipio de que os recursos naturals y os biens son limitaus, y que os endibidos u soziedaz han de dezidir entre diferens alternatibas que s'escluyen mutuamén. Por tanto, conoxer el prozeso de triga en endibidos u collas ye una aspeuto zentral de l'Economía. En cheneral, os economistas creyen que os inzentibos y as preferenzias particulars determinan mayoritariamén o prozeso de dezisión.
Beluns d'os aspeutos prenzipals que trata a Economía son o comerzio, a destribuzión de recursos y a competenzia. A economía se puede zentrar en o estudeo d'a preduzión, a destribuzión y o consumo d'a riqueza, igual como d'os problemas relazionaus con a finanziazión, a fiscalidá, a man d'obra, a lai, a probreza, o meyo ambién, etz.
A economía se dibide normalmén en dos brancas:
- Microeconomía, que estudea o comportament economico d'autors endibiduals como interpresas, familias y endibidos, con l'ochetibo d'entender o prozeso de presa de dezisións debán d'a escasedá de recursos, y as consecuenzias d'istas dezisions.
- Macroeconomía, que estudea una economia como un conchunto con a intenzión d'entender a interaizión entre agregaus economicos como l'ingreso nazional, o treballo y a inflazión.
