Weskus
vanuit Wikipedia, die vrye ensiklopedie.
Die Weskus is 'n streek aan die weskus van Suid-Afrika wat in sy nouste betekenis hoofsaaklik betrekking het op die gebied tussen Yzerfontein en Lambertsbaai, maar ook van toespassing is op die hele kusstrook tussen Kaapstad en die mond van die Oranjerivier, oftewel die mees suidwestelike hoek van Namibië. Die naam is ook gegee aan die distriksmunisipaliteit met sy setel op Moorreesburg wat die B-munisipaliteite van Saldanhabaai, Swartland, Bergrivier, Cederberg en Matzikama insluit. Die distriksmunisipaliteit se gebied beslaan sowat 31101 km², dus ietwat groter as België, Lesotho en Armenië, maar ietwat kleiner as Taiwan. Die vernaamste bedryf van die distrik is landbou, hoewel die nywerheid ook 'n vername rol speel in Saldanhabaai op Saldanha en Vredenburg en in Swartland op Malmesbury.
[wysig] Bevolking
Die totale bevolking van die distrik was volgens die 2001-sensus 282 651. Daarvan was 204 710 bruin, 49 382 wit, 27 780 swart en 789 Indies. Afrikaanssprekendes was in daardie jaar verreweg die grootste groep met 251 979 moedertaalsprekers, gevolg deur Xhosa met 20 917, Engels met 6 595 en Sotho met 1 591. Minder as 1% van die bevolking is in die buiteland gebore, hoofsaaklik Suider-Afrika (1 493) en Europa (456).
[wysig] Opvoeding
Benewens 'n groot aantal laerskole, is daar die volgende hoërskole in die Weskus-distrik: Augsburg Landbougimnasium (Clanwilliam), Hoërskool Dirkie Uys (Moorreesburg), Hoërskool Citrusdal, Hoërskool Vredenburg, Hoërskool Vanrhynsdorp, Hoërskool Hopefield, Hoërskool Vredendal, Hoërskool Weston (Vredenburg), Hoërskool Smuts-Malan (Riebeek-Wes), Hoërskool Piketberg, Hoërskool Porterville, Vredendal Sekondêre Skool, Hoërskool Lutzville, Hoërskool Graafwater, Hoërskool Wesbank (Malmesbury), Hoërskool Swartland (Malmesbury), Schoonspruit Sekondêre Skool (Malmesbury), Naphakade Sekondêre Skool (Malmesbury), Hoërskool Velddrif, Hoërskool Diazville (Saldanha), Steynville Sekondêre Skool (Piketberg).
[wysig] Eksterne skakels
- 'n Kaart van die distrik
- 'n Gedetailleerde kaart van die Weskus in PDF-formaat
- Toeriste-inligting
- Webwerf van die Weskus-toerismeorganisasie
 |
Provinsie Wes-Kaap |
|---|---|
| Hoofstad: | |
| Streke: |
Kaapse Skiereiland | Kaapse Wynlande | Tuinroete | Klein Karoo | Overberg | Weskus |
| Grootste stede en dorpe: |
Kaapstad | George | Knysna | Oudtshoorn | Paarl | Robertson | Stellenbosch | Swellendam | Vredenburg | Worcester |
| Munisipaliteite: |
Beaufort-Wes | Bergrivier | Breederivier | Breederivier/Wynlande | Breedevallei | Kaap Agulhas | Cederberg | Sentraal-Karoo | Kaapstad | Drakenstein | George | Kannaland | Knysna | Laingsburg | Langeberg | Matzikama | Mosselbaai | Oudtshoorn | Overberg | Overstrand | Plettenbergbaai | Prins Albert | Saldanhabaai | Suid-Kaap | Stellenbosch | Swartland | Swellendam | Theewaterskloof | Weskus | Witzenberg | |
