Cap Ferret
vanuit Wikipedia, die vrye ensiklopedie.
Cap Ferret is 'n kaap wat teen die mees suidelike punt van die skiereiland Lège-Cap Ferret in die Suidwes-Franse département Gironde lê. Die kaap staan veral bekend vir sy vuurtoring en het tot 'n luukse strandoord met ongerepte natuurskoon ontwikkel.
Die vuurtoring van Cap Ferret, wat in 1839 opgerig is, is tydens die Duitse besetting in 1944 verniel en vanaf 1946 herbou. Dit is op 7 Augustus 1949 ingewy. Die vuurtoring met 'n hoogte van 52 meter beskik oor 'n optiese stelsel met 'n gewig van een ton, en sy rooi lig is oor 'n afstand van maksimaal 50 kilometer sigbaar. Die vuurtoring bied 'n panoramiese uitsig oor die Bassin d'Arcachon.
