Apostoliese Kerke
vanuit Wikipedia, die vrye ensiklopedie.
Die Ou en Nuwe Apostoliese Kerke, wat algemeen onder die term Apostolies in Suid Afrika bekendstaan, is 'n groep kerke wat ontstaan het uit die Albury Konverensies in die 1820's in Londen, Engeland onder leiding van Henry Drummond.
Hierdie groep kerke staan ook bekend as Irvingianisme, en moet ook glad nie verwar word met die Apostoliese Geloofsending, die Nuwe Apostoliese Reformasie, of die Afrika Tradisionele Kerke wat ook die naam Apostolies in hul naam dra nie.
In Suid-Afrika bestaan daar verskeie groepe, naamlik:
- Die Nuwe Apostoliese Kerk, wat deel uitmaak van die New Apostolic Church International met hul hoofkantoor in Switserland.
- Die Ou Apostoliese Kerk, wat in 1913 weggebreek het vanaf die Nuwe Apostoliese Kerk en wat ekumeniese betrekkinge met die Apostelampt Jesu Christi (Apostel Bediening van Jesus Christus) in Duitsland gehad het, totdat van die AJC lede in Julie 2006 by die OAK aangesluit het onder leiding van sommige AJC Apostels.
- Die Apostoliese Kerk - Aposteleenheid , wat lid in die Vereniging van Apostoliese Kerke is en
- Die Hervormde Ou Apostoliese Kerk wat in 1971/72 vanaf die Ou Apostoliese Kerk onder leiding van Robert Lombard weggebreek het.
- The Twelve Apostles Church in Christ wat in 1979 van die Ou Apostoliese Kerk weggebreek het.
- Die Hervormde Apostoliese Kerk wat onder leiding van Freddie Isaacs, ook bekend as die Cradock Apostel, wat van die Hervormde Ou Apostoliese Kerk weggebreek het.
[wysig] Eksterne skakels
- Nuwe Apostoliese Kerk in Kaapstad
- Nuwe Apostoliese Kerk in Suidoos-Afrika
- Nuwe Apostoliese Kerk Internasionaal
- Ou Apostoliese Kerk
- Vereniging van Apostoliese Kerke
- Neuapostolische Kirche Kritische Betrachtung
[wysig] Bronverwysings
- Werner, F.W. Die dwaling van die Apostelsekte. Braamfontein. Evangelie Uitgewers.