上海
来自 吴语维基百科
上海(上海言话,[zɑ̃he]),简称沪,别称申,是中华人民共和国个直辖市之一。勒中国东部长江冲积三角洲,濒临东中国海,勒浪长江入海口南岸。眼门前中国发展得顶快个城市,也是经济顶发达个城市之一,伊拨认为是中国个商业搭金融中心。2005年上海已经成为世界高头个第一大货港,年货吞吐量有得4.43亿吨介多。2006年成为世界高头第三大集装箱港口,吞吐量有得2171万标准集装箱,齐巧勒仔新加坡高香港个后头。2006年上海个人均GDP已经达到了7490美元,是中国大陆地区个第一位。2010年,世界博览会会得勒上海举行。
内容 |
[编辑] 行政区划
2005年年底,上海有18个区、1个县,118个镇,3个乡,100个街道办事处,3293个居民委员会搭仔1991个村民委员会。
[编辑] 历史
上海老早是被迫开放个港口。结果来仔老多外国人,勒浪上海开租界。伊拉有自家个法律搭行政机构。还有交关犹太人勒浪上海开店铺,扒仔木老老钞票,变成功富翁。葛末还勒浪上海造仔交关多个房子。哈同、沙逊就是其中鼎鼎有名个犹太人。1949年以后,伊拉侪跑脱哉。
[编辑] 方言
上海言话属于吴语太湖片个苏沪嘉小片(也有得另外一种讲法,就是上海市区言话应该从苏沪嘉小片当中独立出来),也有得人拿上海言话叫“沪语”。
解放前头个30年代真真叫是上海言话个黄金期间。出现了交关吴语文学作品、其中大多数是张爱玲迭个上海本土作家创作出来个。伊个辰光个上海人发明了交关新个汉语词汇,拨拉普通言话吸收得去了。当时个上海,上海言话是绝对个主流,勿管外地人要学上海言话,就是外国人也勒盖学。上海个交关大学需要资料证明,也是用上海言话来授课个,像圣约翰大学、同济医学院搿鼐。
解放以后,全中国开始推广普通言话。必过上海人还是欢喜讲自家个上海言话,上海人勒勒上海是从来勿讲普通言话个。伊个辰光全国实行老严格个户口制度,外地人移民到上海个是邪气少。葛咾就算政府勒勒强行推广普通言话,上海言话蹲勒上海还是相当个强势个。
九十年代浦东开发以后,外地人开始源源不断个到仔上海来。帮解放前头个移民潮勿一样个是,搿趟子个移民是来自全国各地个,是勿会得讲吴语个。再加上上海人经过学堂里个教育,儕会得讲一口唠流利个普通言话,葛唠新个上海人搭仔老个上海人开始用普通言话交流了。辰光一长,勒了上海个交关公共场合就只听得到普通言話了,上海言话讲个人已经越来越少了。并且,政府推广普通言话个立升是邪气吓人。学堂里个老师勿好讲上海言话,学生子勒勒课间休息个辰光也勿好讲上海言话,电视台个上海言话节目拨拉纷纷取消,交关老优秀个上海言话电视剧也勿拨拉放,广播台个上海言话节目也拨关脱了,吴语个报刊杂志就更加嘸沒哉。葛唠搿能仔一来,上海言话已经到了要受保护个田地了。
进入廿一世纪以来,上海出现了一批本土学者,伊拉对于上海言话个逐渐消亡是邪气担心。纷纷提出保护、传承上海言话个方案帮仔行动。眼门前,上海言话已经拨拉越来越多个上海人所重视了。交关年轻个上海小人又发明了邪气多个新词汇,上海言话正勒勒复兴个过程当中。上海言话搭仔其他吴语地区个方言个融合也了拉慢慢交进行。
现代的上海年轻人使用上海话聊天也是司空见惯。至今,上海人还是喜欢使用当地语言,但也令很多外地人感觉到上海人排外的心理。而且上海哎吾木宁的词汇大大多于其他语言,有人说“听上海女人吵架是一种享受”。
[编辑] 文化教育
上海老早底是全中国头一个接触外国人个场花。葛咾交关英文单词侪是以上海个发音来音译个。比方讲,水门汀、席梦思咾啥。必过现在上海已经呒无搿能界个机会哉。外加现在上海交关小宁刚上海言话已经勿大灵光哉。
老早,上海个电影是全中国头一位。1949年以后,上海勒浪文化方面慢慢交失去着伊个领先地位。文化革命之前上海曾经拍过勿少根据滑稽戏改编个电影,比方讲,1963年个《如此爹娘》搭《七十二家房客》,搿眼电影用个语言包括仔交关场花个吴语方言搭仔带山东腔、江北腔还有广东腔个上海言话,舞台剧味道蛮浓个。九十年代,上海自家拍仔一部完全用上海言话讲个电视剧,是描写都市生活个正剧,叫《孽债》,几化讨人欢喜,必过后叟来重播个辰光拨改成功普通言话哉。接下来上海还拍仔一部用上海言话讲个正剧叫《何须再回首》,搿趟朆通过审查,乃末弗来事于是呼改成功普通言话播出。现在上海荧屏高头个上海话节目只有号称地方曲艺滑稽戏个情景喜剧,比如讲《老娘舅》帮子《开心公寓》。节目个质量整体浪来讲,水平弗高,内容庸俗,低级趣味,顶重要个是交关辰光一眼也勿好笑。滑稽节目口碑勿佳,必过收视率倒是老高个,侧面浪反映着上海人对沪语节目个需求。上海人要求中央政府放宽对方言影视作品管制个呼声也勿低。
上海老里八早个广播电台是有上海言话个广播个。必过现在已经呒无啥哉。东方广播电台有一档《阿拉上海人》个节目,部分内容是用上海言话播出个,交关受听众欢迎。两个主持人沈蕾帮晓林也侪老崭个。
上海个教育事业邪气发达。有勿少全国一流个大学。譬如1949年以前个交通大学、圣约翰大学、震旦大学咾啥。如今比较有名个大学有上海交通大学(2006年中国大学排行榜第4位)、复旦大学(2006年中国大学排行榜第5位)、同济大学(2006年中国大学排行榜第26位)搭华东师范大学(2006年中国大学排行榜第32位)。
[编辑] 经济
上海个经济是老发达个。1949年以前,就是全中国顶结棍个。现在原旧是中国经济个龙头。家有儿女 股市房产,至今仁为上海主要投资方向。
[编辑] 交通
[编辑] 城市交通
上海个交通也勒海发生交关大个变化。搿辰光个上海已经有得8条地铁哉,勒2010年世博会前头还要造拢总10条地铁。勒浪张江边浪向还有磁悬浮火车,去浦东国际机场需要8分钟辰光。必过呢上海个地面交通交关轧,想开车子去上班或者孛相是勿大来三个。 上海的巴士四通八达,指示牌、报站清晰,高峰时期5分钟间隔。效率颇高。
全面细致个城市交通轨道,请望:http://www.myliving.cn/metro/index.htm
[编辑] 航班
[编辑] 铁路交通
[编辑] 公路交通
[编辑] 注解
[编辑] 外部链接
上海市行政区划 | |||||
|
中华人民共和国省级行政区划 | |||||||||
|