Cyprus
Uit Wikipedia
Cyprus of beter Grieks-Cyprus (officieel De Republiek Cyprus) es een klêen land in Europa. Cyprus es dêel van een eiland in de Middellansche Zêe. 't Grieks gedêelte van Cyprus makt sedert 2004 dêel uut van de Europese Unie. Der weunn à peu près 1.000.000 minsn in Cyprus, ip een ippervlak van 9251 km2. De ôofdstad es Nicosia. De noame 'Cyprus' komt eigenlik van et oud-Grieks Kypros wa letterlik koper wilt zeggn.
[bewerkn] Polletiek
Cyprus es deur zyn geostrategische liggienge tussn et Europese vasteland en et Middn Ôostn olsan een eiland gewist da de lokoale volkern wildn bestuurn. Cyprus eit olsan ounder invloed gestoan van d'istorische grôotmachtn: De Perzn, de Griekn, de Romeinn, de Arabiern, de Byzantijnn, de Kruusvoarders, de Venetioann en de Brittn.
In de recente istorie es Cyprus ipgedêeld gewist in twêe dêeln: sedert 1974 es et Nôordelik dêel bezet deur de Turkn, achter joarn van gevechtn tussen de Griekn en de Turkn. De Turkn wildn doarmee de Turkse mindereid (18% van de bevolkienge van et eiland) beschermn achter joarnlange gevechtn tussen Grieks-Cypriootn en Turks-Cypriootn. Turks-Cyprus es ollêne erkend deur Turkije, terwil dat et Zuudn, de republiek Cyprus olgemêen erkend es. De kwestie Cyprus zorgt nog oltyd vo twistn tussn Grieknland en Turkije, en bemoeilikt de gesprekkn vo toetredienge van Turkije by de EU.
In 2004 es't er een nieuwe pogienge tot toenaderinge, ounder invloed van de toetredienge van Grieks-Cyprus by de EU in dazelfde land en ounder begeleidienge va Kofi Annan. Nôord-Cypriootn stoan oopn vo erênigienge, om zô uut et isolement te geroakn, en Grieks-Cypriootn ounder bepoalde vôorwoardn .
| {{{ofb_links}}} | Europese Unie (EU) | {{{ofb_rechts}}} | {{{ofb_groot}}} |
|---|---|---|---|
.svg/20px-Flag_of_Belgium_(civil).svg.png){kind=small} België | .svg/20px-Flag_of_Cyprus_(bordered).svg.png){kind=small} Cyprus |  Denemarkn |  Duutsland |  Estland |  Finland |  Vrankryk |  Grieknland |  Ongareye |  Ierland |  Itoalië |  Letland |  Litouwn |  Luxemburg |  Malta |  Olland |  Ôostnryk |  Pooln |  Portugal |  Slovenië |  Slovakeye |  Spanje |  Tsjechië |  Verênigd Keunienkryk |  Zweedn Bulgareye |  Roemenië — Kandidoat-lidstoaten:  Krooatië |  Macedonië |  Turkeye
Landn van de weireld | Europa | OVSE | Road van Europa |
