Rejoni de l'Itałia
Da Wikipedia, ła ençiclopedia libara.
Ła forma de deçentralixazsion selta en Itałia ła xé quela de divider el teritorio nazsional en rejoni, province e comuni. Quaxi tute łe rejoni łe xé almanco divixe en province (senzsa ła Val d'Aosta) e senpre quaxi tute łe xé ła forma pù grande de autoguèrno łocal (senzsa el Trentin-Alto Adexe ndo che łe do province łe sta sora ła rejon).
L'Itałia ła xe formà da 20 rejoni e 5 de cueste (Friułi-Venezsia Julia, Trentin-Alto Àdexe, Val d'Aosta, Sardegna e Siciłia) łe gà avù derito a na particułare łexislazsion speciałe par motivazsion culturałi, giografiche, stòreghe o grazsie ła prexenzsa de na menoranzsa łenguistica. Łe altre 15 rejoni con statuto normal łe gà podù scominzsiar el propio laoro sołamente a partir dal 1970, mentre quełe speciałi łe laorava dexà ntel periodo tra el 1945 e el 1948 (ła rejon Friuli-Venezsia Julia ła xe stà creà ntel 1963). Tute łe rejoni łe gà on sistema de voto magioritario (fora che el Trentin-Alto Adixe e ła Val d'Aosta che łe gà ancora on sistema proporzsional par ła question de łe menoranzse) e łe xe formà da na Xonta Rejonałe con sora tuti el Presidente de ła Rejon (o anca Guernador) che ła xe el guèrno e da on Consejo Regional che'l xe el parlamento. Tante rejoni del Setentrion łe dimanda a gran voxe più autonomia e rispeto par łe rejoni.
Rejon | Capologo | |
---|---|---|
1. Abruzso (Abruzzo) | L'Aquiła (L'Aquila) | |
2. Val d'Aosta (Valle d'Aosta, fr. Valleé d'Aoste) |
Aosta (fr. Aoste) | |
3. Puje (Puglia) | Bari | |
4. Łucania (Basilicata) | Potensza (Potenza) | |
5. Całavria (Calabria) | Catanxaro (Catanzaro) | |
6. Canpania (Campania) | Napułi (Napoli) | |
7. Emiłia-Romagna (Emilia-Romagna) | Bułognia (Bologna) | |
8. Friułi-Venezsia Julia (Friuli-Venezia Giulia, fur. Friul-Vignesie Julie, slo. Furlanija-Julijska krajina) | Trieste (fur. Triest, slo. Trst) | |
9. Łazsio (Lazio) | Roma | |
10. Łiguria (Liguria) | Xenoa (Genova) | |
11. Łonbardia (Lombardia) | Miłan (Milano) | |
12. Marche | Ancona | |
13. Mołixe | Canpobaso (Campobasso) | |
14. Piemont (Piemonte) | Turin (Torino) | |
15. Sardignia (Sardegna, sard. Sardinna) |
Cajari (Cagliari, sard. Casteddu) | |
16. Siciłia (Sicilia) | Pałermo (Palermo, sic. Palermu) | |
17. Trentin-Alto Ádexe (Trentino-Alto Adige, tod. Trentino-Südtirol, lad. Trentin-Südtirol) | Trento | |
18. Tuscana (Toscana) | Firenzse (Firenze) | |
19. Onbria | Peruxia (Perugia) | |
20. Vèneto | Venezsia (Venezia) |