Pagtatalik
Mula sa Tagalog na Wikipedia, ang malayang ensiklopedya
Ang pagtatalik, ayon sa biolohikal na kahulugan, ay isang pamamaraan ng isang babae at ng isang lalaki upang makabuo ng kanilang magiging supling sa pamamagitan ng kanilang mga ari. Sa Bibliya, ginamit ang salitang nakilala (o sumiping), kung kaya't ang proseso ng pagtatalik ay ang pagkilala ng lalaki sa kaniyang asawa, gayon din ng babae sa kaniyang esposo. Ang pamamaraang pisikal na ito ay ang pagsiping at pagniniig ng diwa, isipan, katawan at puso na bunga ng pagmamahalan ng dalawang tao. Ang pagkakaroon ng anak ang resulta ng prosesong ito.[1] Sa mabuting biro at makatang paghahambing, tinatawag din itong "luto ng Diyos".[2] - sa pabiro at makatang paraan - ang pagsisiping ng mag-asawa na may pagtatalik.[2]
Mga nilalaman |
Pamamaraan, tungkulin at bunga
Bawat nilalang ay may kakayahang mag-anak at magpakarami. Ngunit dumaraan sa pamamaraan ng pagtatalik ang mga hayop - parikular na ang mga mamalya. Katulad ng mga mamalya, kailangan din ng dalawang taong magtalik para magkaanak. Sa gawaing pagtatalik ng dalawang nasa hustong gulang na tao, may maliit na bilang ng natatanging pluido na may mga semilya ang nasasalin mula sa aring panlalaki hanggang sa pag-aari ng babae. May katangian ang mga selulang punla o semilya na mabilis na makapaglakbay patungo sa bahay-bata ng babae. Sa tulong ng pagsilip sa mikroskopyo, makikitang kahawig ng mga butete ang mga punla (sperm) na may tila-sinulid na buntot. Gumaganap ang buntot na ito bilang isang propeler. Kung may selulang itlog (ovum) na lumabas mula sa bahay-itlog ng isang babae sa kapanahunan ng pagtatalik. At kung nagkataong patungo ang sa bahay bata, magtatagpo at magsasanib ang itlog (ang proseso ng pertilisasyon) at punla na nagiging sanhi ng simula ng pagdadalang-tao ng babae. Ang nagsama at nabuong napunlaang itlog (fertilized egg) ang siyang pinakasimula ng pintig ng buhay sa loob ng katawan ng babae, na sa lumaon ay magiging ganap na sanggol sa loob ng sinapupunan ng isang magiging ina.[3]
Dahil rito, isang responsibilidad at pribilehiyo ang kakayahang magtalik ng dalawang taong nagmamahalan at nagkaisang dibdib sa sakramento ng matrimonyo. Ang pagtatalik ng mag-asawa ang simula ng pagkakaroon ng mag-anak na kasapi ng isang lipunan. Mahalaga ang pagpaplano ng pamilya.[3]
Mga talasanggunian
- ↑ Abriol, Msgr. Jose C., D.P. Ang Banal na Biblia, Natatanging Edisyon, Jubileo 2000 (Jubilaeum A.D. 2000), limbag na may pagbabago (unang paglilimbag: 2000), Msgr. Mario Baltazar, O.P., S.S.L. (nihil obstat), Rufino Cardinal Santos (imprimatur), Jaime Cardinal Sin (re-imprimatur), Paulines Publishing House, dahon 15 at 33, ISBN 9715901077
- ↑ 2.0 2.1 Tan, Michael L., Ma. Teresa Ujano Batangan, Henrietta Cabado Españona, Lailani Guiang, Leo Quintilla, Jay Yacat, Randy Banaag, Sonja Jusayan, at Criselda Heredia. "Luto ng Diyos" (God's Cooking), Sex, Sexuality and Gender (section), Pagnanasa, Pagmamahal: Contextual Factors Affecting Risk-related Sexual Behavior Among Young Adults in the Philippines - Executive Summary, Teenfad.ph
- ↑ 3.0 3.1 Human Reproduction (Reproduksyong-Pantao), The New Book of Knowledge (Ang Bagong Aklat ng Kaalaman), nasa wikang Ingles, Grolier Incorporated, 1977, pahina 179-180 at 301, ISBN 0717205088
Iba pang mga babasahin
Mga aklat:
- Laconsay, Gregorio “Greg” C., Lalake at Babae (1974)
- Laconsay, Gregorio “Greg” C., Sex Education sa Modernong Lalaki at Babae (1986)
- Laconsay, Gregorio “Greg” C., Panalo Ka! (1990)
- Laconsay, Gregorio “Greg” C., My Sexpert Opinion (1984)
Mga talaugnayang panlabas
- Youth Sexuality, Reproductive Health, and Environmental Education, Peer Educator’s Training, Training Manual, nasa wikang Ingles, bersyong PDF, Path Foundation Philippines, Inc., Marso 2003, nakuha noong Marso 13, 2008
- Youth Sexuality, Reproductive Health, and Environmental Education, Peer Educator’s Training, Training Manual, nasa wikang Ingles, bersyong HTML, Path Foundation Philippines, Inc., Marso 2003, nakuha noong Marso 13, 2008
