అల్-ఫాతిహా

వికీపీడియా నుండి

మొదటి సూరా అల్-ఫాతిహా అజీజ్ ఆఫంది ఖురాన్ వ్రాతప్రతి

సూరా అల్-ఫాతిహా (అరబ్బీ:الفاتحة), ఇస్లాం ధార్మికగ్రంథమైన ఖురాన్ యొక్క ముఖ "పరిచయం" మరియు మొదటి సూరా ఈ సూరా అల్-ఫాతిహా

ఇది మక్కీ సూర. ఇందు 7 ఆయత్ లు గలవు. ఇది ఒక దుఆ లేక ప్రార్థన. దీనిని ప్రతి నమాజ్ యందు తప్పకుండా పఠిస్తారు.

[మార్చు] తాత్పర్యం

అల్లాహ్ ద్వారా సమస్త జనులకు అవతరింపబడ్డ గ్రంథం ఖురాన్. ఇది అరబ్బీ భాష లో గలదు. ఇది దాదాపు ప్రపంచపు అన్ని భాషలలోను గల గ్రంథం.

ఈ సూరా అల్-ఫాతిహా క్రింది విధంగా కొనసాగుతుంది. (ఖురాన్: మొదటి సూరా)

1:1 بِسْمِ اللّهِ الرَّحْمـَنِ الرَّحِيم

బిస్మిల్లా హిర్రహ్మా నిర్రహీం

ప్రారంభించుచున్నాను కరుణామయుడు మరియు కృపాశీలుడైన అల్లాహ్ పేరుతో

1:2 الْحَمْدُ للّهِ رَبِّ الْعَالَمِين

అల్-హమ్ దు లిల్లాహి రబ్బిల్ ఆలమీన్

సకల లోకాల ప్రభువా నీకే మా స్తోత్తములు.

1:3 الرَّحْمـنِ الرَّحِيم

అర్రహ్మీ నిర్రహీమ్ :

అనంత కరుణామయుడా!,అపారక్రుపాశీలుడా!,

1:4 مَـالِكِ يَوْمِ الدِّين

మాలికి యౌమిద్దీన్

తీర్పు దినపు యజమానీ!

1:5 إِيَّاك نَعْبُدُ وإِيَّاكَ نَسْتَعِين

ఇయ్యాక న ఆబుదు వ ఇయ్యాక నస్తయీన్ :

మేము నిన్నే ఆరాధిస్తాము. సహాయం కోసం నిన్నే అర్ధిస్తున్నాము.

1:6 اهدِنَــــا الصِّرَاطَ المُستَقِيمَ

ఇహ్ దినస్-సిరాత్ అల్-ముస్తఖీమ్ :

మాకు రుజుమార్గం చూపించు.

1:7 صِرَاطَ الَّذِينَ أَنعَمتَ عَلَيهِمْ غَيرِ المَغضُوبِ عَلَيهِمْ وَلاَ الضَّالِّين

సిరాత్ అల్లజీన అన్-అమ్ త అలైహిమ్ గైరిల్ మగ్ దూబి అలైహిమ్ వలద్దాల్లీన్ :

నీవు దీవించిన వారి మార్గం, నీ ఆగ్రహానికి గురి కాని వారి మార్గం, మార్గభ్రష్టులు కాని వారి రుజుమార్గం మాకు చూపించు".

ఈ సూరా పఠించడం పూర్తయిన తరువాత ఆమీన్ పలుకవలెను.

[మార్చు] లేఖనం

ఈ సూరా మొత్తం ఒక ప్రార్థన దుఆ లాగానూ ఒక అమితభక్తుడు తన స్వామిని మొరపెట్టుకోవడంలాగానూ ఉంటుంది. సృష్టికర్తకు సృష్టి ఏవిధంగా వేడుకొంటుందో ఈ సూరాలో గోచరిస్తుంది. భక్తుడు తన ప్రభువును వేడుకొని ప్రసన్నం చేసుకునే వ్యవస్థ ఈ సూరాలోవున్నది.

[మార్చు] అవతరణ

ఇస్లామీయ ధార్మికసాహిత్య వ్యవస్థలో ఉల్లేఖనాలు అతిముఖ్యం. ఇబ్న్ అబ్బాస్ ఉల్లేఖనం ప్రకారం ఈ సూరా మహమ్మద్ ప్రవక్తపై అల్లాహ్ మక్కాలో అవతరింపజేశాడు. అబూ హురైరా ఉల్లేఖనం ప్రకారం ఈ సూరా మదీనా లో అవతరింపజేశాడు. ఇబ్న్ అబ్బాస్ ఉల్లేఖనమే ముస్తనద్ అని, దాన్నే అందరూ ఆమోదించారు. మరికొందరు ఈ సూరా మక్కా మరియు మదీనా రెండుప్రదేశాలలోనూ అవతరింపబడినదని భావిస్తారు.