Aleksander Mashuhuri

Kutoka Wikipedia

Aleksander Mashuhuri (kwa Kigiriki Μέγας Αλέξανδρος, inayoandikwa kwa alfabeti yetu Megas Aleksandros) (Julai 356 KK – 11 Juni 323 KK), Mfalme wa Masedonia (336 – 323 KK), anajulikana kama mmoja wa amiri jeshi waliofanikiwa kupita wote wengine katika historia ya dunia. Alishinda karibu na kila sehemu ya dunia iliyojuliwa na Wagiriki wa zamani kabla hakufariki. Aleksander pia anajuliwa katika kitabu cha kizoroastria cha kipindi cha kati ya Uajemi kilichoitwa Arda Wiraz Nāmag kama “Aleksander aliyelaaniwa” kwa sababu alishinda milki ya Uajemi na aliangamiza mji mkuu wake ulioitwa Persepolis. Lakini katika habari za baadaye za Uajemi, mpaka Irani ya siku hizi, anaitwa Eskandar na hata alishangiliwa wakati Ukuta Mkuu wa Sadd-e Eskandar ulijengwa wakati wa Ufalme wa Parthia. [mtajo unahitajiwa] Pia anajuliwa katika desturi za Mashariki ya Kati kama Dhul-Qarnayn kwa Kiarabu na Dul-Qarnayim kwa Kiyahudi na Kiaramea (mtu mwenye pembe mbili), huenda kwa sababu picha kwenye sarafu kutoka wakati wa utawala wake ulimwonyesha kama alikuwa anazo pembe mbili za kondoo dume za mungu Ammon wa Misri. Jina lake kwa Kihindi ni Sikandar, neno ambalo ni sawa na “mtaalamu” au “mstadi.”

Makala hiyo kuhusu "Aleksander Mashuhuri" bado ni mbegu. Unaweza kusaidia kuikuza kwa kubofya kitufe kilichoandikwa "hariri". Ikiwepo makala kuhusu Aleksander Mashuhuri kwa lugha nyingine, unaweza kuitafsiri kwa Kiswahili.