Cheenae

Frae Wikipedia

This airticle is adae wi the hail Cheenae civilisation. For the twa states that crys thairsels Cheenae, see Fowkrepublic o Cheenae or Republic o Cheenae.

Cheenae is a muckle kintra in Asie. Syne the Cheenese Ceevil Weir, Cheenae haes been splitten up intae the bigger Communist Fowkrepublic o Cheenae (on the Cheenae mainlaund) an the smawer Republic o Cheenae on the island o Taiwan. Cheenae is ane o the maist ancient naitions in the warld, wi a heestory gaun back five thoosand year.

Baith the Republic an the Fowkrepublic claims the hail o historical Cheenese territory as its ain (includin the mainlaund an the island o Taiwan), but the Fowkrepublic haes muckle mair o an airmy nor the Republic dis. The Unitit States an Fowkrepublic o Cheenae haes guid relations an the'r muckle tred; houaniver, the USA uphauds the richt tae exist o the Republic o Cheenae, an haes promised tae protect the smaa Republic frae onie invasion frae the Fowkrepublic. Forby thon, the Fowkrepublic o Cheenae haes owerance ower Hong Kong (that uisst tae be Breetish), an Macao (that uisst tae be Portuguese). Hong Kong an Macao haes been alloud tae haud wi a caipitalist economic seestem (unner the Ae kintra, twa seestems preenciple), but thay're aye poleetically thirlt tae the Fowkrepublic. The Fowkrepublic is becomin mair caipitalist an aw, an its ecomomy growes bi 9% a year, but the kintra bides offeecially communist, an the Communist Pairtie o Cheenae hauds a monopoly on aw poleetical pouer. The Fowkrepublic invadit an annext Tibet in 1950; the Free Tibet Muivement haes monie uphauders aw oot-throu the warld. Mongols that bides in Ooter Mongolie is aften wantin reunitit wi Mongolie.

The caipital ceety o the Fowkrepublic is Beijing, and its maist muckle ceety is Shanghai. Hu Jintao is Preses o the Fowkrepublic and General Secretar o the Communist Pairtie.

The caipital ceety o the Republic is Taipei. The Preses o the Republic is Chen Shui-buan, frae the Democratic Progressive Pairty.