Unitit Kinrick

Northern Ireland is the anerly pairt o the UK that haes a laundmairch, that it haes wi the Republic o Ireland. Apairt fae thon the UK is surroonded by the Atlantic Ocean, the German Ocean, the Inglis Chainnel an the Erse Sea. The lairgest island, Graet Breetain, is jyned tae Fraunce an Continental Europe by the Chainel Tunnel.

The UK haes a population o 60 million. Maist fowk in the UK spaeks Inglis, but monie ither leids is spak.

The caipital ceity o the Unitit Kinrick is Lunnon, in the sooth-aest o Ingland. The Pairlament o the Unitit Kinrick is hauden at Wastmeenster in Lunnon but Scotland hauds its ain Pairlament an Wales an Northren Ireland thair ain legislative Assemblies forbye.

Table o contents

1 History o the Unitit Kinrick
2 Demography
- 2.1 Population
- 2.2 Leids
3 See an aw

[edit] History o the Unitit Kinrick

The laund o Wales wis taen ower bi Ingland in the 13t century (Statute o Rhuddlan) an makkit pairt o the Kinrick o Ingland bi the Act o Union 1536.

In 1603, Elizabeth I o Ingland dee'd an Jamie the Saxt o Scotland becam James I o Ingland an aa. The Act o Union 1707 makkit the Kinrick o Graet Breetain an the Scots Pairlament wis unitit wi the Inglis pairlament in Lunnon.

Irland wis taen ower by Ingland atween 1169 an 1691. The Act o Union 1800 makkit the Unitit Kinrick o Great Breetain an Irland frae the fower launds o Scotland, Ingland, Irland (aa o Irland) an Wales. There wis monie a swedge in Irland an in 1922 the Anglo-Irish Treaty makkit maist o Irland - the Irish Free State - independent o the UK. In 1927 the name o the UK wis chynged tae the Unitit Kinrick o Graet Breetain an Northren Irland.

In 1997 the Scots an Welsh fowk votit tae hae new pairlaments, thir wis estaiblisht in 1999 an haes the pouer tae govern their launds on their ain maiters alane. The Northren Irish fowk voted tae hae their ain pairlament an aa in 1998 an it wis estaiblisht, but there wis a swedge an the pairlament wis stoppit atween 2002 an 2007.

[edit] Demography

[edit] Population

At the Apryle 2001 UK Census, the Unitit Kinrick's population wis 58,789,194, the third lairgest in the European Union (ahint Germany an Fraunce), the fift lairgest in the Commonweel an the twenty-first lairgest in the warld.