Marti (pianeta)

Di Wikipedia, la nciclupidìa lìbbira.

Marti. La Vallis Marineris chi si vidi ntô menzu è lu cchiù granni canyon canusciutu dû sistema solari.

Quartu pianeta dû sistema sulari, Marti òrbita tornu tornu ô suli nta na traiettoria ellìttica tanticchia eccèntrica, e la sò distanza dû suli varia tra 200 e 250 miliuna di chilòmitri.

[cancia] L'esplorazzioni di Marti

E' lu pianeta cchiù visitatu dî terrestri. Na dicina di sondi hannu attirratu â supirfici nta l'ùrtimi 40 anni o cìrculunu nta n'òrbita marziana.

Nu tipicu paisaggiu marzianu.

Certuni hannu studiatu la supirfici e hannu nviatu fotografìi di paisaggi marziani. Lu ntiressi dî scienziati versu chiddu chi è chiamatu lu pianeta russu discenni dû fattu ca Marti assumigghia assai â Terra. Fa tanticchia cchiù friddu, e li jurnati marziani sunnu di circa 24 uri e menza.

Di na trina di anni lu pianeta è esploratu di dui rovers chi sunnu telegguidati di nu centru spazziali dâ NASA: Spirit e Opportunity. N'autru satelliti, lu Global Mars Surveyer mappau cumplitamenti la supirfici di Marti cu na risoluzzioni fotografica di sulu quarchi metru.

[cancia] La gioluggìa di Marti

Supra la supirfici di Marti e ntô suttasuolu si tròvunu discreti quantità di acqua ghiacciata. Certi scienziati hannu avanzatu l'ipòtisi chi Marti ha statu abbitatu di na forma di vita primitiva, comu li batteri. A oggi, na prova di l'esistenza di vita supra Marti nun esisti ancora.

[cancia] La vita supra Marti

Mancu truvaru acqua lìquida supra la supirficii. Tuttavia apparunu li signi dâ prisenza passata di acqua: vidiru i saia sìmili a li letti dî ciumi supra la terra. È di cunziguenza l'oggettu di assai dibàttiti l'uriggini di l'acqua lìquida ca nu tempu scurrìa supra lu pianeta. Òi l'acqua ghiacciata formata di anidridi carbònica sòlida esisti sulu sutta lu solu dâ pianeta. La sonna Mars Express nnô jinnaru dû 2004 cunfirmau la prisenza di acqua ô polu miridiunali di Marti. Nnô 2005 lu radar MARSIS, strumentu talianu allatu a bordu dâ stissa sonna, ndividuau nu dipòsitu di ghiacciu, spissu nu chilòmitru, e tra li 1,5 e li 2,5 km di prufunditati, appressu a la riggiuni di Chryse Planitia.

Lu 6 austu dû 1996 David McKay annunziau la scuperta di nu micrurganismu fussili nnô mitiuriti di pruvinenza marziana. Ancura òi assai studiusi travàgghiunu pi cunfirmari sta ipòtisi.

Chista è na vuci nzirita nni l'artìculu dâ simana, zoè una dî mègghiu vuci criati dâ cumunità.
Fu ricanusciuta nnô 2007

S'hai traduciutu n'artìculu o hai criatu na vuci e riteni ca sia lu casu di fàrila canùsciri picchì è cumpreta n tuttu, signàlila. Naturalmenti, sunnu boni accittati suggirimenti e canciamenti chi mìgghiùranu lu travagghiu.

Signala na vuci Archiviu Vidi tutti l'artìculi dâ simana