Liunardu Fibonacci
Di Wikipedia, la nciclupidìa lìbbira.
Liunardu Fibonacci (veru nomu Leonardo da Pisa o Leonardo Pisano Pisa, ca. 1170 - Pisa, ca. 1250) fu un matimaticu talianu, spissu canusciutu cû suprannomu di Fibonacci. Cu autri matimatici dû sò tempu, cuntribuiu â rinascita dî scienzi esatti doppu la dicadenza di l'urtima parti dû Mediuevu.
Auturi di n'opira, Liber abaci (1202), e granni viaggiaturi, di sê viaggi in Tunisia cu sò patri mpurtau in uccidenti la manera muderna di scriviri li nummura, ca oggi si chiamanu puru nummura arabi.
Fibonacci è canusciutu macari pi la siquenza di nummura ditta succissioni di Fibonacci chi accumenza pi:
1, 1, 2, 3, 5, 8, 13, 21, 34, 55, 89, ....
e unni ogni nummuru è la summa dî dui chi lu pricedunu.
