Немыцаг адæм
Сæрибар энциклопеди Википедийы æрмæг.
Немыцаг адæм кæнæ немыц у гермайнаг адæмтæй стырдæр æмæ зынгæдæр, сæхи хонынц die Deutschen /ди дойчен/, дзурынц немыцаг æвзагыл. Немыцæгты нымæц 100 милуанмæ хæццæ кæны, сæ фылдæр цæрынц Германы.
Историон хицæндзинæдты фæрцы (иумæйаг паддзахад сын æрæджы кæй фæзынди, уый тыххæй) немыцаг адæмы мидæг ис бирæ хигъæдон этникон къордтæ. Зæгъæм, сæ динмæ гæсгæ немыц сты дихгонд — уыдоны ’хсæн ис бирæ католиктæ æмæ бирæ протестанттæ.
Дзæвгæр немыц цæрынц Бельгийы (70 мины бæрц, ис сæм автономи), Венгрийы, Данийы, Италийы, Польшæйы, Румынийы (румынаг немыцæгтæ), Словакийы, Францы, Чехийы, Уæрæсе æмæ Хъазахстаны (афтæ хуынд уырыссаг немыцæгтæ). Европæйы æдде — АИШ æмæ Намибийы.
Австрийы, Швейцарийы, Люксембург æмæ Лихтенштейны немыцæгау дзурæг адæмæй чи цæры, уыдонæй сæ фылдæр сæхи нымайынц немыцæгтыл нæ, фæлæ австрийæгтыл, швейцарийæгтыл æмæ афтæ дарддæр.
