Sègle de las Luses
Un article de Wikipèdia, l'enciclopèdia liura.
Lo Sègle de las Luses foguèt un corrent filosofic, politic e social, que apareguèt en França, al Reialme Unit e en Alemanha e que après s'espandiguèt a d'autras parts d'occident durant lo sègle XVIII.
Al long del sègle, malgrat que se mantengan las caracteristicas basicas de l'absolutisme de l'Ancian Regim, l'intens impuls demografic e economic e l'eclosion del pensament de las Luses dobriguèron las portas a una epòca de revolucions borgesas menadas per la Revolucion Francesa e per la Revolucion industriala. Lo sieu nom en diferentas lengas fa referéncia a la rason, identificada amb la lutz, ideal e guida dels òmes de l'epòca. Las signaturas de la Declaracion Americana d'Indepéndencia, dels primièrs amelhoraments de la constitucion americana (United States Bill of Rights) e en França de la Declaracion dels Dreches de l'òme e del Ciutadan foguèron motivadas per las Luses.
La fin del movement se pòt situar a l'arribada de las Guèrras Napoleonencas.
