Region de Múrcia

Un article de Wikipèdia, l'enciclopèdia liura.

Comunidad Autónoma de la Región de Murcia

Devisa :
País	Espanha
Capitala	Múrcia
Superfícia - totala - % de l'Espanha	9^en reng 11 313 km² 2,9 %
Populacion - Totala (2005) - % de l'Espanha - Densitat	10^en reng 1 335 792 ab. 3,03 % 118,03 ab./km²
Gentilici - Occitan - Castelhan	murcian/murciana murciano/murciana
Estatut d'autonomia	9 de junh de 1982
ISO 3166-2:ES	MU
Sètis al Parlament	9 congressistas 6 senators
President	Ramón Luis Valcárcel Siso
Localizacion

La Region de Múrcia es una comunautat autonòma d'Espanha, situada dins lo sud-est de la Peninsula Iberica entre Andalosia e la Comunautat Valenciana, e entre la còsta mediterranea e Castelha-La Mancha. Sa capitala es la vila de Múrcia que es lo sieti daus organes institucionaus regionaus, fòra de l'Assemblada Regionala qu'a son sieti a Cartagena.

Un tierç de la populacion totala de la Region de Múrcia viu a Múrcia, sa capitala, e la region es la principala productora de fruchas, legumas e flors d'Euròpa. A daus vinhaus importants rasis los municipis de Bullas, Yecla e Jumilla qu'an 'na denominacion d'origina. Son clima es chaud e son territòri es semiaride quasi de pertot ; despiech de quò, son agricultura es tradicionalament d'irrigacion. Lo pueg lo pus naut de la region es lo pueg de Revolcadores (2001 m) a Mortella.

Coordenadas:

Lat: 38° 00' 00" N grats. Lat: 38,000 grats decimaus
Long: 1° 30' 00" W grats. Long: -1,500 grats decimaus

[Modificar] Geografia fisica

[Modificar] Releu

La Region se situa a l'extremitat orientala de las Cordilheras Beticas e es influenciada per son orografia. 'Quelas cordilheras es formada per las cordilheras Prebetica, Subbetica e la Penibetica (dau nòrd au sud).

Fàcia sud dau massís de Revolcadores

Tradicionalament se considera que lo pueg de Revolcadores que aparten au massiu dau mesme nom, es lo mai naut de la Region de Múrcia emb 2027 metres ; mas dins las mesuras de los darriers mapas dau SNIG (Servici Nacionau d'Informacion Geografic d'Espanha) lo pueg de Revolcadores figura emb 1999 m e una cima dau mesme massiu, un pauc mai au nòrd, es mai elevat : Los Obispos (Los Evesques) emb 2015 m d'altitud.

Quasi 27% dau territòri murcian correspond au releu montanhos, 38% a de las deprecions entre las montanhas e a daus vaus e 35% a de las planas.

[Modificar] Climatologia

Vista per satellite de la Region de Múrcia

La Region de Múrcia a un clima mediterraneu de tipe semiaride, emb daus iverns dolç (11 °C de mejana en decembre e genier) e daus estius chauds (emb daus maxima de 40 °C). La temperatura annuala mejana es de 18 °C.

Emb de las precipitacions de 300 a 350 mm per an, la Region a entre 120 e 150 jorns per an ente lo ciau es totalament esnautat. Abriu e octòbre son los mes emb lo mai de precipitacions.

La distancia entre la mar e lo releu fai qu'existe 'na diferencia termica entre la còsta e l'interior, subretot en ivern. 'Laidonc qu'en lo litorau las temperaturas son rarament en dessos de 10 °C, dins las comarcas de l'interior despassan pas los 6 °C e lors precipiations son mai importantas (d'aicinta 600 mm).

La vila de Múrcia a lo record de temperatura dau secle XX en Espanha : 47,2 °C lo 4 de julhet 1994. L'ivern de 2005 fuguet lo mai freg dempuei un brave temps e i a 'gut de las neus sus lo litorau murcian [1].

[Modificar] Idrografia

Río Segura quand passa lo pont vielh de la capitala murciana.

Lo raseu idrografic de la Region es fach dau riu Segura e de sos afluents:

Riu Mundo (que nais a Albacete), es lo que li pòrta lo mai de debit.
Riu Alhárabe e son afluent, lo Benamor.
Riu Mula.
Riu Guadalentín, Sangonera o Reguerón (que nais denaut de Lorca, Múrcia).

Vista per satellite de la Mar Menora

Demai dins la region òm tròba l'estanh naturau lo mai grand d'Espanha : la laguna de la Mar Menora. Es una laguna d'aiga salada, situada rasis la Mar Mediterranèa. Sas caracteristicas especialas ecologicas e naturalas fan de la Mar Menora un luòc naturau unic e l'estanh d'aiga salada lo mai grand d'Euròpa. De forma semicirculara, es separat de la Mar Mediterranèa per 'na franja de sable de 22 km de long e entre 100 e 1200 m d'ample, apelada La Manja de la Mar Menora. La laguna fuguet designada per las Nacions Unidas coma Zona Especialament Protegida d'Importància per la Mediterranea. Son litorau compta 73 km de còsta ente se succedisson plajas d'aigas lindas e pauc prundas (la prundor maximala es pas superiora a 7 m), e 170 km² de superficia.

[Modificar] Istòria

[Modificar] Demografia

[Modificar] Organizacion territoriala

La region de Múrcia es devesida en 45 municipis. Mai d'un municipi fa mai de 1000 km² de superfícia. Lorca (1676 km²) es lo segond municipi lo mai espandut d'Espanha après Cáceres, en Extremadura. Entau, la division daus municipis en pedanias es comuna. Lo municipi de Múrcia a 54 pedanias, dont beucòp son mai popladas que los municipis de l'interior de la Peninsula Iberica. Lo municipi de Cartagena se devesís pas en pedanias mas en 24 deputacions.