Walt Disney

Frå Wikipedia – det frie oppslagsverket

Walter Elias Disney (5. desember 1901–15. desember 1966), mest kjend som Walt Disney, var ein pionér innan animasjon og teiknefilm og grunnla Disney-konsernet i lag med bror sin, Roy.

I løpet av karriera si mottok han meir enn 950 utmerkingar frå heile verda, mellom anna 48 Oscar-statuettar og 7 Emmy-prisar. Det starta for alvor i 1928 med stumfilmen «Plane Crazy» og sidan lydfilmen «Steamboat Willie». Begge handla om Mikke Mus, som altså var den første av dei kjende figurane som Disney skapte.

Den første langfilmen hans var «Snehvit og de syv dverger». Han kom 21. desember 1937.

I dag er Disney (The Walt Disney Company) eit enormt underhaldningskonsern som eig mellom anna fjernsynsstasjonar (ABC, ESPN), fornøyelsesparkar (Walt Disney World i Orlando, Disneyland bl.a. i California, Paris, Tokyo), teiknefilmar og anna underhaldning. Disney-konsernet har også eigne cruiseskip og hotell.

---