Trebbia

Frå Wikipedia – det frie oppslagsverket

Trebbia
Utspring	Monte Prelà
- Høgd	1 406 moh
Munning	Po
Land i nedslagsfelt	Italia
Lengd	105 km
Middelvassføring	40 m³/s
Nedslagsfelt	1 150 km²

Trebbia er ei elv i Liguria og Emilia Romagna i Italia. Ho er ei av dei fire viktigaste sideelvane til Po frå høgre. dei tre andre er Tanaro, Secchia og Panaro. Nedslagsfeltet dekkjer 1 150 km² og er delt mellom Emilia Romagna, Liguria og Lombardia. Dei største sideelvane er Aveto og Perino frå høgre og Boreca frå venstre.

Ho spring ut frå Dei liguriske Appenninane ved åsen Monte Prelà, sør for Monte Antola i kommunen Torriglia i provinsen Genova. Frå her renn ho nordaustover i 105 km før ho munnar ut i Po vest for Piacenza.

Ponte Gobbo («Pukkelbrua») er ei Djevelbru som strekk seg over elva ved Bobbio.

Trebbiadalen i juli, eit par kilometer oppafor Bobbio.

Dei største busetnadane elva renn igjennom før Piacenza er Ottone, Marsaglia (i kommunen Corte Brugnatella), Bobbio, Perino (ein del av Coli), Travo og Rivergaro.

Mellom kjelda og Bobbio renn elva gjennom Val Trebbia, som vert rekna for ein svært vakker dal som trekk til seg mange turistar. Elvedalen vidar seg så ut før ho endar opp på Posletta etter Rivergaro.

På austbreidda vart det utkjempa eit slag under den andre punarkrigen i 218 f.Kr., slaget ved Trebbia, der Hannibal slo ein romersk kosulhær.

[endre] Bakgrunnsstoff

Commons har multimedia som gjeld: Trebbia

[endre] Kjelder