Skiptvet

Frå Wikipedia – det frie oppslagsverket

**Skiptvet**
Våpen	Kart

Grunnleggjande opplysningar
Kommunenr:	0127
Fylke:	Østfold
Administrasjonssenter:	Skiptvet
Flatevidd:	101 km²
Folketal:	3 525 (2008)
Politikk
Ordførar (2007–2011):	Svein Olav Agnalt (Ap)
Målform:	Bokmål
Nettstad:	www.skiptvet.kommune.no

Skiptvet er ein kommune som ligg midt i Østfold fylke, om lag 70 km frå Oslo. Flatevidda er er 101,6 km², der 33 km² er jordbruksareal og 42 km² er produktiv skog. Kommunen grensar mot Våler i vest, Spydeberg og Askim i nord, Eidsberg og Rakkestad i aust, og Sarpsborg i sør. Høgaste punkt er Jonsrudåsen, 225 moh. På det lokale talemålet vert kommunen omtala som Skjetve, og ein som kjem frå kommunen er ein skjetving.

[endre] Historie

Ein reknar med at dei fyrste menneska slo seg ned i Skiptvet for kring åtte tusen år sidan. Spesielt slo mange seg ned i områda ved vassdraget Glomma, der det var gode leveforhold. I mellomalderen var Skiptvet ein del av Vingulmork, som seinare vart kjend som Østfold.

Namnet Skiptvet skal vera ei samansetting av to ord. Fyrste delen kan vera Skagi, som på norrønt språk tyder «noko som rager opp i landskapet». Ei anna tolking kan vera mannsnamnet Skeggi, «mann med skjegg». Siste delen av namnet, -tveit, er vanleg i gardsnamn frå vikingtida, og tyder «eit lite jordstykke». Den innkotne p-en er eit typisk eksempel på sekundær etymologisering.

Det har ikkje vore mykje industri i Skiptvet, men det fyrste føretaket som vart oppretta heitte Skiptvet meieri. Kring dette meieriet vaks det fram ein liten tettstad. Området er i dag sentrum for kommunen, med namnet Meieribyen.

[endre] Biletgalleri

Skiptvet bygdetun	Hovudbygget på bygdetunet, frå Liverud	Låven på bygdetunet, frå Taraldrud, bygd kring midt på 1800-talet	Stabburet på bygdetunet, bygd kring midt på 1800-talet
Minnesmerke ved Skiptvet kirke. Til minne om dei som ofra livet under andre verdskrigen	Skiptvet kirke sett frå nordvest	Skiptvet kirke sett frå nordaust