Sanremo

Frå Wikipedia – det frie oppslagsverket

Sanremo

Byvåpenet til Sanremo

Plassering

Sanremo

Styresmakter

Land
Region
Provins

Italia
Liguria
Imperia

Borgarmeister

Claudio Borea

Geografi

Flatevidd
- By

54 km²

Innbyggjarar
- Totalt (2004)
- folketettleik

56 903
936/km²

Koordinatar

43°49′″N 7°47′″EKoordinatar: 43°49′″N 7°47′″E

Høgd over havet

15 m

Diverse annan informasjon

Postnummer

18038

Telefon-retningsnummer

0184

Nettstad: comunedisanremo.it

Sanremo eller San Remo er ein by i provinsen Imperia i regionen Liguria i Italia med om lag 55 000 innbyggjarar. Han ligg ved kysten av Middelhavet heilt vest i Liguria. Han vart grunnlagd i romartida og er ein kjend turistdestinasjon på den italienske rivieraen. Årleg er det fleire kulturarrangement i byen, som Sanremo Musikkfestival.

[endre] Historie

Byen vart grunnlagd som ein romersk busetnad (Matutia eller Villa Matutiana) og vaks tidleg i mellomalderen då innbyggjarane flytta opp i høgda og bygde ei borg her for å verne seg mot plyndringstokta til sarasenarane.

Sanremo kom under grevskapet Ventimiglia og seinare inn under biskopane i Genova, som i 1297 selde han til familiane Doria og De Mari. Han vart ein fri by på andre halvdel av 1400-talet. Den gamle landsbyen som vaks fram på Pignaåsen i denne tida er særs godt bevart fram til i dag.

Ei smal gate i La Pigna.

Sanremo klarte å halde seg sjølvstendige frå Genova i lange tider, men i 1753, etter tjue år med harde kampar, vart Sanremo underlagt geneuesarane. Dei bygde festningen Santa Tecla på stranda nær hamna. Festningen vart nytta som fengsel fram til 2002 og vert i dag omforma til eit museum.

Etter den franske perioden under napoleonskrigane kom byen til Savoie i 1814 og vart då annektert av Kongedømet Sardinia.

Byen vaks seg større frå misten av 1700-talet og utover og turistindustrien kom tidleg. Dei første hotella vart bygd og byen strakk seg langs kysten. På 1800-talet var det mange kjend namn som vitja byen, som keisarinne Elisabet av Austerrike, tsar Nikolai I av Russland, Alfred Nobel, Italo Calvino, keisarinne Maria Alexandrovna, som den russisk-ortodokse kyrkja var reist for i 1912 av eit lokalt russisk samfunn.