Patriarken Abraham

Frå Wikipedia – det frie oppslagsverket

Denne artikkelen handlar om den bibelske personen Abraham. For meir informasjon om namnet Abraham, sjå Abraham.

Abraham er rekna som grunnleggjar og patriark for dei abrahamittiske religionane. Han er òg rekna som forfar til dei som historisk høyrer til desse religionane. Soga om Abraham er omtalt i Fyrste mosebok i Bibelen.

Innhaldsliste 1 Abraham i 1. mosebok 2 I Koranen 3 Kjelder 4 Fotnotar

[endre] Abraham i 1. mosebok

Soga om Abraham byrjar i den sumeriske byen Ur i Mesopotamia. Tarah, far til Abram, tar med familien og vandrar ut av Ur^[1]. Dei slår seg ned i Karan. Her får Abram eit kall om for å fare til Kanaan, eit land Gud vil gje han i eige. Denne soga er knytt til ei folkevandring det nomadiske amorittiske folket gjorde som følgje av uroa som rådde i landet deira. Abram reiste sidan vidare til faraos Egypt, og han vart svært rik.

Abram var gift med Sarai. Med trellkona Hagar fekk han sonen Ismael. Då Abram var 99 år, skipa Gud ei pakt med han. Han skulle ikkje lenger heite Abram, men Abraham, og kona skulle heite Sara, og med ho skulle han bli stamfar til ei tallaus ætt. Som teikn på pakta skulle alle gutebarn av slekta hans omskjerast åtte dagar gamle.^[2]

Sara fekk sonen Isak, og Isak fekk sonen Jakob, som sidan fekk namnet Israel, stamfar til jødane.

[endre] I Koranen

Abraham er nemnd i 25 av dei 113 kapitla (suraene) i Koranen. Koranen lyfter fram Abraham, Gud-søkaren, sin religion, som var fri for avgudsdyrking. Dei som står Abraham nærast, er dei som følgjer han, står det i 3,61. Abraham var verken jøde eller kristen, fortel Koranen, han hadde den opphavlege, uforvanska religionen. Abraham og Ismael reiste Kaaba, huset, og gjorde det til eit pilegrimsmål og ein fredlyst stad.^[3]

[endre] Kjelder

• caplex.no
• J.R: Posrter (1996): Illustrert nøkkel til Bibelen ISBN 82-504-2321-6
• Koranen Norsk-arabisk utgåve ved Einar Berg, Universitetsforlaget 1989 ISBN 82-00-02874-7
• Bibelen

[endre] Fotnotar