Harz

Frå Wikipedia – det frie oppslagsverket

Harz er ei fjellkjede i nord i Tyskland. Ho er den nordlegaste fjellkjeda i landet og ligg på grensa mellom delstatane Niedersachsen, Sachsen-Anhalt og Thüringen. Namnet Harz kjem frå plattysk og tyder «skog»

Innhaldsliste

1 Geografi
2 Historie
3 Byar i eller nær Harz
4 Transport i Harz
5 Elvar med utspring i Harz
6 Bakgrunnsstoff
7 Kjelde

[endre] Geografi

Harz har ei lengd på 95 km (søraust til nordvest) og ei breidd på 35 km. Ho dekkjer eit areal på om lag 2 000 km², og det høgaste punktet er Brocken på 1 141 meter over havet, som ligg i Sachsen-Anhalt. Wurmberg på 971 meter er den høgsate toppen i Niedersachsen. Det bur 600 000 innbyggjarar i byar og landsbyar i Harzfjella.

Harz

Bode

Bodegjelet

Harz er delt inn i Øvre Harz (Oberharz) i nordvest og Nedre Harz (Unterharz) i søraust. Øvre Harz har høgare fjell og er dekka av granskog, medan Nedre Harz heller jamnt nedover mot det omliggande landet og har stort sett lauvskog med enger innimellom.

Harz nasjonalpark ligg i Harz og dekkjer Brocken og det omliggande området.

[endre] Historie

Dei første busetnadane i Harz kom for berre om lag 1 000 år sidan. I antikken gjorde dei tjukke skogane området ugjennomtrengeleg. I 968 oppdaga ein sølvførekomstar nær byen Goslar, og det vart oppretta gruver i dei neste hundreåra i heile fjellområdet. I mellomalderen vart malm frå deette området transporter så langt bort som til Mesopotamia. Rikdomen i området tok slutt på byrjinga av 1800-talet då gruvene vart tomme. Folk reiste frå byane ein kort periode før turisme førte rikdom tilbake til området. Mellom 1945 og 1990 gjekk grensa mellom Vest- og Aust-Tyskland gjennom desse fjella. I dag er Harz ein populær turistdestinasjon for folk som vil gå turar eller gå på ski.

[endre] Byar i eller nær Harz

Alexisbad
Altenau
Bad Grund
Bad Harzburg
Bad Lauterberg
Bad Sachsa
Benneckenstein
Braunlage
Clausthal-Zellerfeld
Elend
Gernrode

Goslar
Hasselfelde
Herzberg
Ilfeld
Ilsenburg
Lautenthal
Neustadt
Nordhausen
Osterode am Harz
Quedlinburg
Questenberg

Rübeland
Sankt Andreasberg
Schierke
Seesen
Stolberg
Suderode
Tanne
Thale
Treseburg
Walkenried
Wernigerode

[endre] Transport i Harz

Smalsporjernbanen (tysk: Harzer Schmalspurbahnen) er ei svært populær turistrute, og mange kjem til Harzfjella berre for å ta dette gamle damplokomotivet.

Bortsett frå det er Harz knytt til resten av Tyskland via motorveg A7 frå Hamburg, Hannover eller Kassel til Seesen/Rhüden og Lautenthal, A395 frå Braunschweig til Bad Harzburg, riksvegane B6, B 27, B 234 og mange andre. Motorveg A 38 sør for Harzfjella går mellom Leipzig og Göttingen og er berre nyleg ferdig.