Leipzig

Frå Wikipedia – det frie oppslagsverket

Leipzig

Byvåpen	Plassering
	Leipzig
Styresmakter
Land Delstat Regierungsbezirk‎ Landkreis	Tyskland Sachsen Leipzig Kreisfri by
Først nemnd i Byrettar	1050 1165
Geografi
Flatevidd  - By	297,60 km²
Innbyggjarar[1]  - By (november 2006)    - folketettleik	506 372   1 702/km²
Koordinatar	51°20′0″N 12°23′0″EKoordinatar: 51°20′0″N 12°23′0″E
Høgd over havet	113 m
Tidssone - Ved sommartid	CET (UTC+1) CEST (UTC+2)
Diverse annan informasjon
Postnummer	04003-04357
Telefon-retningsnummer	0341
Bilnummer	L
Heimeside: www.leipzig.de

Leipzig (sorbisk: Lipsk) er ein by i Tyskland og den største byen i delstaten Sachsen. Byen har eit innbyggjaratal på like over 500 000 , og ligg der elvane Pleiße, Weiße Elster og Parthe renn saman.

Lepizig er kjend for universitet og varemessa. Det første tyske arbeidarpartiet vart grunnlagd i byen.

Namnet Leipzig kjem frå det slaviske ordet Lipsk, som tyder «busetnad ved lindetrea»^[2]

Innhaldsliste 1 Historie 2 Kjende personar med samband til Leipzig 3 Verd å vitja i byen 4 Bakgrunnsstoff 5 Kjelder

[endre] Historie

Den første historiske omtalen av byen er frå 1050, då me høyrer om ein slavisk busetnad som heitte Lipsk. På grunn av tysk ekspansjon austover blei byen etter kvart ein av deira handelsstader, og fekk byrettar i 1165 av markgreven av Meissen.

Byen blei stygt skada av bombeåtak frå dei allierte under den andre verdskrigen. Medan det budde over 750.000 menneske i byen like før den andre verdskrigen, hadde folketalet sunke til 500.000 i 2002.

I 1989 byrja den fredelege revolusjonen mot DDR-styret i byen med såkalla Montagsdemonstrationen.

[endre] Kjende personar med samband til Leipzig

Leipzig har i mange århundre vore eit kultursentrum i Tyskland, noko ein merker på menneska som har vore innom byen. Filosofen Gottfried Leibniz og fleire musikarar frå Bach-familien verka eller var fødde her, mellom anna Johann Sebastian Bach. Martin Luther preika i byen.

Fleire nordmenn har søkt seg til Leipzig. Ei rekke norske komponistar, som Edvard Grieg, Johannes Haarklou, Christian Sinding, Eyvind Alnæs, Johan Halvorsen og Geirr Tveitt studerte her. Av norske vitskapsmenn var Sophus Lie var professor i matematikk og Vilhelm Bjerknes i geofysikk ved Universitetet i Leipzig.

[endre] Verd å vitja i byen

• Det gamle rådhuset, bygga av Hieronymus Lotter på 1500-talet
• Det nye rådhuset
• Thomaskirche
• Nikolaikirche
• Völkerschlachtdenkmal (monument over folkeslaget)
• Universitetet
• Det tyske biblioteket
• Gohlisslottet

[endre] Bakgrunnsstoff

• Reiseguide for {{{2}}} frå Wikitravel
• Virtuell vitjing av Leipzig
• Bilete frå Leipzig

[endre] Kjelder