Asopos
Frå Wikipedia – det frie oppslagsverket
Asopos, latinsk namneform Asopus, var ein elvegud i gresk mytologi. Han var son av Okeanos og Tethys.
Han var gift med najaden Metope og i lag fekk dei to soner, Pelasgos og Ismenos, i tillegg til tolv døtre; Korkyra, Salamis, Aigina, Peirene, Kleone, Thebe, Tanagra, Thespeia, Asopis, Sinope, Ornia og Khalkis.
Asopos si dotter Aigina vart kidnappa av Zevs.
[endre] Elvane
Asopos er óg namnet på fleire elvar i Hellas og Tyrkia.
- Aspos i Boiotia, som har sitt utspring ved fjellet Kithaeron og som renn gjennom distriktet Plataea og ut i Ipirossundet. Slaget ved Plataea vart utkjempa på breidda av elva. Ho markerte grensa mellom Theben og Platea.
- Asopos i Flius renn gjennom Sikyon og ut i Korintbukta nær Sikyon.
- Asopos i Thessalia har sitt utspring ved Oeta og munnar ut i Sinos Maliakos.
- Aspos i Thraki nær Thermopylae er nemnd av Herodotos (7.199, 216–17).
- Aspos i Frygia som renn i hop med Lykos nær Laodikea i Lykos i Tyrkia.