Alger
Frå Wikipedia – det frie oppslagsverket
 |
|
| Kallenamn «Alger den kvite, Al-Bahjah» |
|
| Plassering | |
|---|---|
 |
|
| Styresmakter | |
| Land Wilaya |
Algerie Provinsen Alger |
| Grunnlagd | 944 evt. |
| Geografi | |
| Flatevidd - By |
272,97 km² |
| Innbyggjarar - By (2005) - Byområde - Storbyområde |
1 519 570 2 029 936 3 518 083 |
| Koordinatar | Koordinatar: |
| Høgd over havet | 10 m |
| Tidssone | CET (UTC+1) |
| Diverse annan informasjon | |
| Postnummer | 16000-16132 |
Alger (arabisk الجزائر, standard arabisk Al Jaza'ir, algerisk arabisk Dzayer, berber Ledzayer) er hovudstad og den største byen i Algerie i Nord-Afrika. I følgje ei folketeljing i 1998 var budde det 1 519 570 innbyggjarar i sjølve byen, 2 135 630 i byområdet, og 3 518 083 i omegn av byen, og for heile Provinsen Alger 5 723 749 (2006). Byen vert kalla al-Bahjah (البهجة) eller Alger la Blanche («Alger den kvite») på grunn av dei skinande kvite bygningane.
Byen ligg ved kysten heilt vest i Middelhavet. Namnet kjem frå det arabiske ordet al-jazā’ir, som tyder «øyane», og refererer til dei fire øyane som låg like utafor kysten før dei vart ein del av fastlandet i 1525. Al-jazā’ir er i seg sjølv ei kortare utgåve av det gamle namnet på byen, jazā’ir banī mazghannā, «øyane til (stamma) Bani Mazghanna», som vart brukt av geografar som al-Idrisi og Yaqut al-Hamawi tidleg i mellomalderen. Det urbane området Stor-Alger er det største i Maghreb etter Stor-Casablanca. Den moderne delen av byen er bygd på flat grunn ved stranda, medan den gamle delen av byen er bygd i dei bratte klippene bak den moderne byen med festningen som krona på verket, 120 meter over havet. Festningen og dei to kaiane dannar ein trekant.
