Padingbüddel

Vun Wikipedia

Wapen	Koort
Basisdaten
Bundsland:	Neddersassen
Landkreis:	Cuxhoben
Flach:	9,42 km²
Inwahners:	483 (2003)
Inwahnerdicht:	51,3 Inwahners pro km²
Hööch:	1 m över NN
Postleettallen:	27632
Vörwahl:	04742
Geograafsche Laag:	53° 42' n. B. 8° 32' ö. L.
Auto-Kennteken:	CUX
Gemeenslötel:	03 3 52 047
Adress vun de Stadtverwalten:	Westerbüttel 13 27632 Dorum
Websteed:	www.sglandwursten.de
Politik
Börgermeester:	Helwig Tepke (SPD)
Laag van de Stadt in den Landkreis

Padingbüddel is en Gemeende in de Samtgemeende Land Wursten in dat Land Wursten. Hüdigendags höört se to den Landkreis Cuxhoben to. De Gemeende liggt nich wiet af vun de Noordsee. De Kark un dat egentliche Dörp sünd bi dree km vun de Noordsee af. Annere Delen vun düt Dörp in de Masch liggt dor dichter an. Blangen den Oort Padingbüddel höört to de Gemeende noch de Dörper Rotthusen, Oberstrich un Niederstrich un Olendiek.

Inholtsverteken 1 Historie 2 Kark 2.1 Inwahners 3 Politik 3.1 Gemeenderaat 3.2 Wapen 4 Weertschop un Infrastruktur 5 Lüde 6 Weblinks

[ännern] Historie

De eersten Wurten hefft de Sassen in dat 1. bit 5. Johrhunnert boot. Bi dat grote Völkerwannern hefft denn de Sassen dat Land Wursten verlaten un Fresen sund in dat Land trocken. De Naam vun den Oort Padingbüddel steiht to'n eersten Mol an'n 5. März 1365 in en Urkunn.

[ännern] Kark

In Padingbüddel steiht en ole Kark. Dat is de St, Matthäus-Kark ut dat 13. Johrhunnert. De Predigtstohl is ut dat Johr 1652 un de Altaar kümmt vun 1480. In dat 15. Johrhunnert is de Toorn in'n Westen anboot wurrn. Hüdigendags is de Gemeende evangeelsch-luthersch un höört to de Hannöbersche Kark hento. De Kark liggt up en Warft un en olen Karkhoff is ümto anleggt.

[ännern] Inwahners

• 1888: 516 Inwahners
• 1964: 595 Inwahners
• 1978: 616 Inwahners
• 1988: 595 Inwahners
• 1993: 549 Inwahners
• 1998: 534 Inwahners

[ännern] Politik

[ännern] Gemeenderaat

Siet de Kommunalwahl 2001 sett sik de Gemeenderaat so tohopen: CDU: 3 Liddmaten, SPD: 6 Liddmaten. Annere Parteien sünd in den Raat nich vertreden.

[ännern] Wapen

Dat Wapen vun Padingbüddel is spleten. Vörn sitt up grönen Grund dree sülvern Kleverblöer, achtern up sülvern Grund en swarten Adler mit en sülvern Kroon. Düt Wapen is hernahmen vun dat Wapen vun den Böver- Diekgreve Eibe Siade Johanns. De leev vun 1659 bit 1720. Düt Wapen sitt ok tomidden de Gemeendeflagg, de to glieke Delen in gröön-witt-grööne Striepen ünnerdeelt is.

[ännern] Weertschop un Infrastruktur

Hüdigendags is Padingbüddel tomeist Wohnoort. Bavenhen gifft dat en poor Bedrieven, de sik mit Bueree oder mit Handwark befaten doot. Vun 1993 af an steiht in de Gemeende ok in Windpark. Dor weert vun 10 Rotoren 4,8 Megawatt produzeert.

[ännern] Lüde

• De eerste bekannte Minsch ut Padingbüddel weer Tjede Peckes. Se weer de Wurster Fresen ehr Fahnjumfer in de Slacht bi dat Wremer Deep gegen den Bremer Arzbischop.
• De Komponist Vincent Lübeck ut de Tiet vun dat Barock is 1654 in Padingbüddel boren wurrn.
• 1810 is Bernhard vun Langenbeck in den Oort boren.
• De Theoloog Johann David Schlichthorst is 1843 in Padingbüddel storven. He weer dor Paster un hett sien Leven lang gegen de pPlattdüütsche Spraak streden. He meen, düsse Spraak weer Schuld, dat de Lüde dumm bleven un wull ehr geern utrieten un verbeden.

[ännern] Weblinks

• Samtgemeende [1]
• Kurverwalten [2]
• Gemeende Padingbüddel [3] (allens Hoochdüütsch)