Novembru
Minn Wikipedija, l-enċiklopedija ħielsa.
Jannar · | Frar · | Marzu · | April · | Mejju · | Ġunju · | Lulju · | Awissu · | Settembru · | Ottubru · | Novembru · | Diċembru |
Ott - Novembru - Diċ | ||||||
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |||||
Kalendarju ta' avvenimenti |
- Għal użi oħra, ara Novembru (diżambigwazzjoni)
Novembru hu l-għaxar xahar tas-sena skond il-kalendarju Gregorjan u hu wieħed mill-erba' xhur bi 30 jum. Novembru kiseb ismu (mil-Latin novem li tfisser "disgħa") meta Jannar u Frar kienu miżjuda fil-kalendarju Ruman.
Novembru jibda' fit-tropiku astroloġiku oċċidentali bix-xemx fis-simbolu ta' l-Iskorpjun u jispiċċa f'dak tas-Saġittarju. Astronomikament, ix-xemx tibda' attwalment fil-kostellazzjoni tal-Miżien, tgħaddi mill-kostellazzjoni ta' l-Iskorpjun minn madwar l-24 sad-29 ta' Novembru u tispiċċa fil-kostellazzjoni ta' l-Ophiuchus, li hi l-unika kostellazzjoni żodjakali li mhix assoċajata ma' simbolu astroloġiku.
Novembru jibda fl-istess ġurnata tal-ġimgħa bħal Frar fi snin komuni, u Marzu f'kull sena.
[editja] Avvenimenti f'Novembru
- Jum il-Qaddisin Kollha, ġurnata qaddisa Nisranija ċċelebrata fl-1 ta' Novembru, ġurnata wara Halloween. Fl-Isvezja, din il-festa tiġi ċċelebrata fl-ewwel Sibt ta' Novembru.
- Fl-Irlanda, 1 ta' Novembru hu mħares bħala l-ewwel ġurnata tax-Xitwa.
- L-1 ta' Novembru hu msejjaħ "Jum Novembru" (Lá Samhna) fit-tradizzjoni Keltika u hi msemmijha fil-kalendarju Irlandiż, fejn ix-xahar hu msejjaħ Mí na Samhna.
- Fil-kalendarju Kattoliku Ruman, it-2 ta' Novembru hu Jum l-Erwieħ Kollha. Hi magħrufa fil-Messiku bħala el Día de los Muertos (il-Ġurnata tal-Mejtin), u x-xahar kollu ta' Novembru hu ddedikat għat-talb lill-mejtin.
- Ir-Renju Unit u New Zealand jiċċelebraw il-Guy Fawkes Night, l-anniversarju ta' l-attentat fallut tal-Konfoffa tal-porvli, fil-5 ta' Novembru.
- Fil-11 ta' Novembru hi ċċelebrat Jum it-Tikira fil-Commonwealth u f'diversi pajjiżi Ewropej (fosthom Franza u l-Belġju) biex jikkomemoraw il-vittmi ta' l-Ewwel Gwerra Dinjija u gwerer oħra. Hi magħrufa bħala l-Veterans Day fl-Istati Uniti.
- Fl-Indja, Jum it-Tfal hi ċċelebrata fl-14 ta' Novembru, id-data tat-twelid ta' l-ewwel Prim Ministru Indjan Pandit Jawaharlal Nehru.
- L-iskoperta ta' Puerto Rico minn Kristofru Kolombu fid-19 ta' Novembru, 1493.
- Día de la Revolución, jew Jum ir-Revoluzzjoni, hi ċċelebrata fil-Messiku fl-20 ta' Novembru.
- Għall-Kristjani Oċċidentali, l-Avvent jibda ġeneralment f'Ħadd matul l-aħħar ġimgħa ta' Novembru.
- Skozja tiċċelebra Jum Sant Andrija, il-ġurnata nazzjonali uffiċċjali, fit-30 ta' Novembru. Sa l-2006, din kienet vaganza ġenerali (Bank holiday).