Awissu
Minn Wikipedija, l-enċiklopedija ħielsa.
| Jannar · | Frar · | Marzu · | April · | Mejju · | Ġunju · | Lulju · | Awissu · | Settembru · | Ottubru · | Novembru · | Diċembru |
| Lul - Awissu - Set | ||||||
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 | ||||
| Kalendarju ta' avvenimenti | ||||||
- Għal użi oħra, ara Awissu (diżambigwazzjoni)
Awissu hu t-tmien xahar tas-sena fil-kalendarju Gregorjan u hu wieħed minn seba' xhur Gregorjani li fihom 31 jum. Awissu jibda, astroloġikament, bix-xemx fis-simbolu ta' l-Iljun u jispiċċa fis-simbolu tal-Verġni. Astronomikament, ix-xemx tibda fil-kostellazzjoni tal-Kankru u tispiċċa fil-kostellazzjoni ta' l-Iljun.
Dan ix-xahar kien oriġinarjament imsejjaħ Sextilis bil-Latin, minħabba li dan kien is-sitt xahar fil-kalendarju antik Ruman, li kien jibda f'Marzu madwar is-sena 750 QK taħt Romulus. Dan sar it-tmien xahar, jew minħabba li Jannar u Frar ġew miżjuda fil-bidu tas-sena mir-Re Numa Pompilius madwar is-sena 700 QK, jew meta dawn iż-żewġ xhur tmexxew mill-aħħar għall-bidu tas-sena mid-decemviri madwar is-sena 450 QK. Dan kien imsemmi għal Awgustu fis-sena 8 QK billi bosta ġrajjiet importanti li għenuh biex jikseb il-poter, li laħqu l-quċċata fir-rebħa ta' Lixandra, ġraw f'dan ix-xahar. Awissu oriġinarjament kellu 29 ġurnata fil-kalendarju tar-Repubblika Rumana. Awgustu ħa jumejn minn Frar u tahom lil Awissu meta x-xahar Sextilis ġie msemmi għalih.
Fi snin komuni, l-ebda xahar ieħor ma jibda fl-istess ġurnata tal-ġimgħa bħal Awissu. Madanakollu, fi snin biżestili, Frar jibda fl-istess ġurnata tal-ġimgħa
[editja] Avvenimenti f'Awissu
- Jum Nazzjonali Amerikan-Salvadorjan fl-Istati Uniti – 6 ta' Awissu
- Fl-1945 spiċċat it-Tieni Gwerra Dinjija wara l-bumbardamenti fuq Hiroshima fis-6 ta' Awissu u fuq Nagasaki fid-9 ta' Awissu, meta dakinhar intużat għall-ewwel darba l-bomba nukleari fuq in-nies. L-Imperatur Shōwa ħabbar l-irtirar tal-Ġappun fil-15 ta' Awissu.
- Fid-9 ta' Awissu 1329, Kollam kienet eletta l-ewwel djoċesi Indjana mill-Papa Ġwanni XXII.
- Fid-9 ta' Awissu 1965, Singapor isseparaw mill-Federazzjoni tal-Malażja u saru indipendenti.
- Fl-10 ta' Awissu 1822, l-Ekwador sar pajjiż indipendenti
- Fl-14 ta' Awissu 1947, il-Pakistan sar indipendenti.
- Tifkira fil-Knisja Kattolika ta' l-Assunzjoni tal-Madonna – 15 ta' Awissu
- Fil-15 ta' Awissu 1769, f'Korsika twieled Napuljun I ta' Franza.
- Fil-15 ta' Awissu 1945, il-Korea saret pajjiż indipendenti.
- Fil-15 ta' Awissu 1947, l-Indja saret pajjiż indipendenti.
- Fis-17 ta' Awissu 1945, l-Indoneżja saret pajjiż indipendenti.
- Fid-19 ta' Awissu 1945, ir-Rivoluzzjoni ta' Awissu tal-Vjetnam kienet suċċess.
- Fl-20 ta' Awissu 1083, San Stiefnu ta' l-Ungerija kien kanonizzat, biex b'hekk sar l-ewwel mir-rejiet konfessjonarji kanonizzati.
- Fil-21 ta' Awissu 1959, il-Ħawaj sar il-50 stat ta' l-Istati Uniti ta' l-Amerika.
- Fil-25 ta' Awissu 1825, l-Urugwaj sar indipendenti mill-Brażil.
- Fil-31 ta' Awissu 1957, il-Malażja saret pajjiż indipendenti.
- F'diversi pajjiżi Ewropej, Awissu hu btala għal diversi ħaddiema
- Il-Filippini jiċċelebraw lil Awissu bħala Buwan ng Wika ("ix-Xahar tal-Lingwa")
