G-14
Minn Wikipedija, l-enċiklopedija ħielsa.
Il-G-14 kienet organizzazzjoni Ewropeja tal-klabbs tal-futbol. Fundata fis-sena 2000, din baqgħet teżisti biss sas-sena 2008.
Werrej |
[editja] Formazzjonai
Il-klabbs tal-G-14 kienu mxerrdin madwar seba' pajjiżi differenti, u rebħu madwar 250 titlu tal-kampjonat nazzjonali bejn xulxin. Tliet timijiet kienu mill-aqwa diviżjoni ta' l-Italja. L-Ingilterra, Franza, il-Ġermanja, l-Olanda u Spanja ilkoll kellhom żewġ timijiet, waqt li l-Portugall wieħed. Il-membri tal-G-14 rebħu t-Tazza Ewropeja/Champions League 41 darba minn 51 staġun.
Il-finali tal-UEFA Champions League 2003-04 kienet l-ewwel darba f'din il-kompetizzjoni mill-1992 li wieħed mill-finalisti ma kienx membru tal-G-14. Din il-finali kienet disputata bejn Porto, membru ta' din l-organizzazzjoni, u AS Monaco li ma kienx. Kien hemm biss tliet finali taċ-Champions League jew tat-Tazza taċ-Champions fejn iż-żewġ timijiet ma kinux membri tal-G-14.
[editja] Storja
Il-G-14 kienet fundata f'Settembru tas-sena 2000 minn fost l-aqwa 14-il klabb, u l-għan tagħha kien li tipprovdi vuċi waħda għan-negozjati mal-UEFA u l-FIFA. Membri ġodda setgħu jidħlu permezz ta' invitazzjoni biss. F'Awissu 2002, erba' klabbs oħra ngħaqdu, biex b'hekk tellgħu n-numru ta' klabbs fis-sħubija għal 18, minkejja li l-organizzazzjoni baqgħet iżżomm l-isem oriġinali.
F'April 2004, il-G-14 bdiet investigazzjoni preliminarja kontra l-FIFA, fejn din ta' l-aħħar tobbliga l-plejers tal-klabbs għall-parteċipazzjoni għall-kompetizzjonijiet internazzjonali mingħajr ir-rikonoxximent ta' xi kumpens għad-danni jew għas-salarju. Għal dawn l-ilmenti esposti mill-federazzjoni, il-president tal-FIFA, Joseph Blatter, irrisponda b'irrifjutar li jsiru negozjati.
Fil-5 ta' Settembru 2005, il-klabbs tal-G-14 iddeċiedu li jieħdu lill-FIFA l-qorti wara episodju fejn kien imdaħħal Abdelmajid Oulmers, fejn dan kien weġġa' waqt impenn mat-tim nazzjonali Marokkin, u b'hekk ġagħal lill-klabb Belġjan ta' Charleori jitlef il-preżenza ta' dan il-plejer għal tmien xhur.
L-aħħar president tal-grupp kien iċ-ċermen ta' Olympique Lyonnais Jean-Michel Aulas, li ħa post David Dein, li kien abdika wara sitt xhur ta' presidenza. Hu kien elett president fis-16 ta' Mejju 2007, wara li kien assigura minn taħt, qbil mall-klabbs membri dwar il-prinċipju ta' espansjoni tal-membri tal-G-14. Aulas ħabbar li l-intenzjoni tiegħu kienet li jinvita 16-il tim ieħor biex jingħaqad, fejn stqarr li hu ried li l-G14 "tespandi ġeografikament u tkun imsaħħha permezz ta' klabbs oħra."[1][2] F'Ottubru 2007, 22 klabb Ewropew kienu ġew inbitati biexx jipparteċipaw f'taħdidiet dwar l-espansjoni.[3]
Fit-28 ta' Mejju 2007, f'kungress straordinarju f'Zurigu, il-president tal-UEFA Michel Platini laqqa' lill-G-14 biex jgħidlhom biex jixxoljew, fejn iddikjara li huma kienu qed ipoġġu l-pożizzjoni tagħhom ta' "privileġġjati".[4]
Fil-15 ta' Jannar 2008, il-G-14 u l-UEFA ġew fi qbil. Il-FIFA u l-UEFA qabblu li jħallsu kumpens meta xi plejer iweġġa' waqt impenn internazzjonali u anki għal selezzjoni wara Tazza tad-Dinja jew Kampjonat Ewropew. Wara dan il-ftehim, il-G14 qablet li tiġi xolta fil-15 ta' Frar 2008. Madanakollu, organizzazzjoni oħra li tirrapreżenta 100 tim mit-53 nazzjon tal-UEFA, il-European Club Association, kienet se tiġi fundata minflokha.[5]
[editja] Membri
- Membri fundatarji (2000)
- Marseille
- Paris Saint-Germain
- Bayern Munich
- Borussia Dortmund
- Liverpool
- Manchester United
- Juventus
- AC Milan
- Internazionale
- Ajax
- PSV Eindhoven
- Porto
- Barcelona
- Real Madrid
- Membri ġodda (2002)
- Olympique Lyonnais
- Bayer Leverkusen
- Arsenal
- Valencia
[editja] Ara wkoll
- European Club Association
[editja] Referenzi
- ↑ Esplin, Ronnie. New G-14 boss may swell lobby group to 32 (Ingliż), ESPNsoccernet, 17-05-2007 (24-05-2007).
- ↑ G14 looks set to expand (Ingliż), RTÉ Sport, 16-05-2007 (07-08-2007).
- ↑ Celts get G14 slot but Gers snubbed (Ingliż), Evening Times, 31-10-2007 (31-10-2007).
- ↑ Platini calls for disbandment of 'Elitist' G14 (Ingliż), ESPNsoccernet, 28-05-2007 (29-05-2007).
- ↑ G14 to disband after compromise (Ingliż), BBC Sport, 15-01-2008 (15-01-2008).
[editja] Ħoloq oħra
Membri tal-G-14 | ||
Ajax | Arsenal | Barcelona | Bayer Leverkusen | Bayern Munich | Borussia Dortmund | PSV Eindhoven Inter Milan | Juventus | Liverpool | Manchester United | AC Milan | Lyon | Marseille Paris Saint-Germain | Porto | Real Madrid | Valencia |