Festival tal-Eurovision 2008

Minn Wikipedija, l-enċiklopedija ħielsa.

Festival tal-Eurovision 2008 "The Confluence of Sound"
Finali	24 ta' Mejju 2008
Semi-Finali	20 ta' Mejju 2008 (SF 1) 22 ta' Mejju 2008 (SF 2)
Preżentatur(i)	Jovana Janković[1] Željko Joksimović[1]
Organizzatur	RTS
Sala	Belgrade Arena[2] Belgrad, Serbja
Rebbieħ	Russja "Believe"
Votazzjoni
In-nies minn kull pajjiż jistgħu jivvutaw permezz tat-telefown jew SMS. L-għaxar kanzunetti favoriti ta' kull pajjiż jingħataw 12, 10, u minn 8 sa punt skond il-voti tal-popolazzjoni ta' kull pajjiż. Kull pajjiż parteċipat fis-semi-finali u l-finali jridu jagħtu l-punti tagħhom fil-finali.[3]
Parteċipanti	43: 19 f'kull semi-finali; 25 fil-finali, 10 minnhom ġew minn kull semi-finali.
Pajjiżi debuttanti	Ażerbajġan San Marino[4]
Pajjiżi li rritornaw	ħadd
Pajjiżi li rtiraw	Awstrija[5]
Pajjiżi mingħajr punt	TBD
Att ta' l-intervall	Goran Bregović (Finali) Metropole Orkest, Slobodan Trkulja, Balkanopolis (SF 1) Teatru Nazzjonali f'Belgrad (SF2)
Att tal-ftuħ	Marija Šerifović tkanta Moltiva (Finali) Video killed a radio star (SF 1) Serbia for beginners flimkien ma' Konstantin Kostjukov (SF2)
Festival tal-Eurovision
◄2007    •    2009►

Il-Festival tal-Eurovision 2008 kien it-53 edizzjoni tal-festival u seħħ ġewwa Belgrad, il-belt kapitali tas-Serbja. Iż-żewġ semi-finali saru. It-tliet serati ġew organiżżati ġewwa il-Belgrade Arena (Београдска Арена) li hija waħda mill-akbar areni ġewwa l-Ewropa, b'kapaċità ta' il-fuq minn 20,000 post. Is-Serbja rebħet d-dritt li tospita il-festival wara li Marija Šerifović rebbħet il-festival ta' l-2007 ġewwa Helsinki, fil-Finlandja. L-istazzjon nazzjonali tas-Serbja, RTS, huwa responsabbli li jorganiżża il-produzzoni.

Svante Stockselius, ikkonferma fit-28 ta' Settembru 2007 li l-EBU approvaw il-pjan li jseħħu żewġ semifinali qabel il-finali ta' l-2008.^[6] Dan ġie deċiż minħabba kummenti u informazzjoni kemm mid-delegazzjonijiet, inkluża dik Maltija, u anki mid-dilettanti li gergru li l-festival qed isir wisq falz bil-pajjiżi tal-lvant kollha jivvutaw għal xulxin waqt li dawk tal-punent isibuha tqila biex joħorġu mis-semifinali. Iż-żewġ semifinali ser jixxandru kontemporanjament u l-pajjiżi jkollhom juru s-semifinali li qegħdin jikkompetu fiha f'xandira diretta u l-oħra jistgħu jxandruha wara jekk iridu, minkejja li mhumiex obbligati. Pajjiż jista' jivvota biss ġewwa s-semifinali li qiegħed jieħu sehem fiha.

Fl-14 ta' Settembru, is-Sindku ta' Helsinki ta "ċ-Ċwievet tal-Eurovision" lid-deputat ta' Belgrad. Hemm il-ħsieb li din iċ-ċeremonja issir kull sena u li iċ-ċurkett ikollu ċavetta minn kull belt li ospitat il-festival.^[7]

Minħabba xi problemi u rvellijiet f'Belgrad, minħabba l-indipendenza tal-Kosovo, fit-22 ta' Frar 2008, l-EBU għamlet konferenza biex jiddeċiedu jekk il-festival isirx f'xi belt oħra. L-Ukrajna kienet ikkunsidrata bħala oppzjoni minħabba li kienu spiċċaw it-tieni fl-edizzjoni preċedenti. YLE kienu għażla oħra, hekk kif huma ospitaw l-edizzjoni tal-kompetizzjoni tas-sena ta' qabel f'Helsinki, il-Finlandja.^[8] ERT offriet ukoll li tospita l-festival f'Ateni, il-Greċja.^[9] Wara ġie deċiż li l-edizzjoni ta' l-2008 se ssir xorta f'Belgrad, bl-EBU tagħti l-appoġġ tagħha. RTS se tingħata garanzija ta' siguta mill-gvern Serb għall-viżitaturi u l-parteċipanti kollha.^[10] Għalhekk, id-delegazzjoni tal-Kroazja, ta' l-Iżrael u ta' l-Albanija se tingħata sigurta speċjali.^[11] Il-festival se jkun ospitat minn Jovana Janković u Željko Joksimović.^[1] Però, Jelena Tomašević se tirrapreżenta lis-Serbja b'kanzunetta bil-kompożizzjoni ta' Joksimović; din ġabet dibattitu dwar ir-rwol tiegħu fil-festival.^[12]

Werrej 1 Format 1.1 Allokazzjoni tas-semi-finali 2 Pajjiżi parteċipanti 2.1 L-Ewwel Semi-finali 2.2 It-Tieni Semi-finali 2.3 Finali 3 Mappa 4 Referenzi 5 Ħoloq oħra

[editja] Format

Din is-sena l-edizzjoni ġiet maqsuma fi tliet serati, fejn għall-ewwel darba ġiet introdotta s-sistemà taż-żewġ semi-finali. Kull xandar ikollu jxandar is-semi-finali li jkun qed jieħu sehem fiha, bix-xandira tas-semi-finali l-oħra tkun waħda opzzjonali. Il-poloz ta' l-allokazzjoni tas-semi-finali saru fil-Belgrade City Hall nhar it-Tnejn 28 ta' Jannar 2008 fis-siegħa ta' wara nofsinhar (ħin ta' Malta), u kienet kondotta minn żeffiena tan-"National Dance Ensemble KOLO". L-ewwel, żewġ enveloppi bl-'Ewwel Semi-Finali' u bit-'Tieni Semi-Finali' ġew mtellgħin. Wara, tliet pajjiżi minn kull urna ġew magħżula bix-xorti biex jieħdu sehem fl-ewwel semi-finali, waqt li tlieta oħra fit-tieni waħda. Il-pajjiż li kien għad baqa' fil-ħames urna ħa sehem fis-semi-finali ta' l-ewwel envelop li tela', waqt li l-pajjiż li kien għad baqa' fis-sitt urna ħa sehem fit-tieni wieħed.^[13]

Il-finalisti awtomatiċi setgħu jagħżlu jekk ixandrux iż-żewġ semi-finali jew waħda biss, imma t-telespettaturi jistgħu jivvutaw biss f'waħda biss. Mill-poloz ġie deċiż liema mill-ħames finalisti se jxandar u jista' jivvota miż-żewġ semi-finali. Is-semi-finali se jixxandru diretti fuq is-sit elettroniku tal-Eurovision, eurovision.tv.^[14] L-aqwa disa' kanzunetti mill-votazzjoni tal-pajjiżi se jikkwalifikaw għall-finali, waqt li l-għaxar kwalifikat se jiġi ddeterminat mill-ġurija. Ħamsa u għoxrin kanzunetta se jikkompetu fil-finali.^[3]

[editja] Allokazzjoni tas-semi-finali

Fl-24 ta' Jannar 2008, it-38 pajjiż fis-semi-finali ġew separati f'urni bbażat skond l-istorja tal-votazzjoni u l-lokazzjoni ġeografika:

Urna 1	Urna 2	Urna 3	Urna 4	Urna 5	Urna 6
Albanija Bosnia-Ħerż. Kroazja Montenegro Maċedonja Slovenja	Danimarka Estonja Finlandja Iżlanda Norveġja Svezja	Belġju Bulgarija Ċipru Greċja Olanda Turkija	Andorra Irlanda Latvja Litwanja Portugall Rumanija	Armenja Belarus Ġeorġja Iżrael Moldova Russja Ukrajna	Ażerbajġan Malta Polonja San Marino Svizzera Rep. Ċeka Ungerija

[editja] Pajjiżi parteċipanti

[editja] L-Ewwel Semi-finali

L-ewwel semi-finali saret fl-20 ta' Mejju 2008.

#	Pajjiż	Artist/a/i	Kanzunetta	Traduzzjoni	Pożizzjoni	Punti
1	Montenegro	Stefan Filipović	Zauvijek volim te	Inħobbok għal dejjem	14	23
2	Iżrael	Bo’az Ma’uda	The Fire In Your Eyes	In-Nar f'Għajnejk	5	104
3	Estonja	Kreisiraadio	Leto svet	Dawl sajfi	18	8
4	Moldova	Geta Burlacu	A century of love	Mitt sena t' imħabba	12	36
5	San Marino	Miodio	Complice	Kompliċi	19	5
6	Belġju	Ishtar	O julissi na jalini	(kliem ivvintat)	17	16
7	Ażerbajġan	Elnur u Samir	Day after day	Jum war'ieħor	6	96
8	Slovenja	Rebeka Dremelj	Vrag naj vzame	Għax-xjaten!	11	36
9	Norveġja	Maria Haukaas Storeng	Hold on be strong	Żomm sod, kun b'saħħtek	4	106
10	Polonja	Isis Gee	For life	Għall-ħajja	10	42
11	Irlanda	Dustin the Turkey	Irlande douze pointe	L-Irlanda tnax-il punt	15	22
12	Andorra	Gisela	Casanova	Kasanova	16	22
13	Bosnia-Ħerżegovina	Elvir Laković Laka	Pokušaj	Esperimenta	9	72
14	Armenja	Sirusho	Qele qele	Ejja ejja	2	139
15	Olanda	Hind	Your heart belongs to me	Qalbek hi tiegħi	13	27
16	Finlandja	Teräsbetoni	Missä miehet ratsastaa	Fejn jirkbu l-irġiel	13	127
17	Rumanija	Nico and Vlad Miriţă	Pe-o margine de lume	Fuq ix-xifer tad-dinja	7	94
18	Russja	Dima Bilan	Believe	Emmen	3	135
19	Greċja	Kalomoira	Secret combination	Kombinazzjoni sigrieta	1	156

[editja] It-Tieni Semi-finali

It-tieni semi-finali se ssir fit-22 ta' Mejju 2008.

#	Pajjiż	Artist/a/i	Kanzunetta	Traduzzjoni	Pożizzjoni	Punti
1	Iżlanda	Eurobandið	This is my life	Din hi ħajti	8	68
2	Svezja	Charlotte Perrelli	Hero	Eroj	12	54
3	Turkija	Mor ve Ötesi	Deli	Miġnun	7	85
4	Ukrajna	Ani Lorak	Shady lady	Mara suspettabbli	1	152
5	Litwanja	Jeronimas Milius	Nomads in the night	Nomadi fil-lejl	16	30
6	Albanija	Olta Boka	Zemrën e lamë peng	Lgħabna il-qalb	9	67
7	Svizzera	Paolo Meneguzzi	Era stupendo	Kien stupend	13	47
8	Repubblika Ċeka	Tereza Kerndlová	Have some fun	Ħu ftit pjaċir	18	9
9	Belarus	Ruslan Alenkhno	Hasta la vista	Narak aktar tard	17	27
10	Latvja	Pirates of the Sea	Wolves of the sea	Lupi tal-baħar	6	86
11	Kroazja	Kraljevi Ulice u 75 cents	Romanca	Rumanz	4	112
12	Bulgarija	Deep Zone u Balthazar	DJ Take Me Away	Ħudni l' hemm DJ	11	56
13	Danimarka	Simon Matthew	All night long	Il-lejl sħiħ	3	112
14	Ġeorġja	Diana Gurtskaya	Peace will come	Il-paċi tasal	5	107
15	Ungerija	Csézy	Szívverés	Tħabbita tal-qalb	19	6
16	Malta	Morena	Vodka	Vodka	14	38
17	Ċipru	Evdokia Kadi	Femme fatale	Mara fatali	15	36
18	Maċedonja	Tamara Todevska, Vrčak u Adrian Gadza	Vo imeto na ljubovta	F'isem l-imħabba	10	64
19	Portugall	Vânia Fernandes	Senhora do mar	Il-mara tal-baħar	2	120

[editja] Finali

Il-finalisti huma:

• l-erba' pajjiżi li jikkwalifikaw awtomatikament kull sena li huma Franza, il-Ġermanja, Spanja u r-Renju Unit;
• il-pajjiż ospitu tas-Serbja;
• l-ewwel disa' pajjiżi mill-ewwel semi-finali flimkien ma' post riservat magħżul mill-ġurija
• l-ewwel disa' pajjiżi mit-tieni semi-finali flimkien ma' post riservat magħżul mill-ġurija

Il-finali saret fl-24 ta' Mejju 2008.

#	Pajjiż	Artist/a/i	Kanzunetta	Traduzzjoni	Pożizzjoni	Punti
1	Rumanija	Nico and Vlad Miriţă	Pe-o margine de lume	Fuq ix-xifer tad-dinja	20	45
2	Renju Unit	Andy Abraham	Even if	Anke kieku	25*	14
3	Albanija	Olta Boka	Zemrën e lamë peng	Lgħabna il-qalb	17	55
4	Ġermanja	No Angels	Disappear	Sparixxi	23*	14
5	Armenja	Sirusho	Qele qele	Ejja ejja	4	199
6	Bosnia-Ħerżegovina	Elvir Laković Laka	Pokušaj	Esperimenta	10	110
7	Iżrael	Bo’az Ma’uda	The Fire In Your Eyes	In-Nar f'għajnejk	9	124
8	Finlandja	Teräsbetoni	Missä miehet ratsastaa	Fejn jirkbu l-irġiel	22	35
9	Kroazja	Kraljevi Ulice u 75 cents	Romanca	Rumanz	21	44
10	Polonja	Isis Gee	For life	Għall-ħajja	24*	14
11	Iżlanda	Eurobandið	This is my life	Din hi ħajti	14	64
12	Turkija	Mor ve Ötesi	Deli	Miġnun	7	138
13	Portugall	Vânia Fernandes	Senhora do mar	Il-mara tal-baħar	13	69
14	Latvja	Pirates of the Sea	Wolves of the sea	Lupi tal-baħar	12	83
15	Svezja	Charlotte Perrelli	Hero	Eroj	18	47
16	Danimarka	Simon Matthew	All night long	Il-lejl sħiħ	15	60
17	Ġeorġja	Diana Gurtskaya	Peace will come	Il-paċi tasal	11	83
18	Ukrajna	Ani Lorak	Shady lady	Mara suspettabbli	2	230
19	Franza	Sébastien Tellier	Divine	Divin	19	47
20	Ażerbajġan	Elnur u Samir	Day after day	Jum war'ieħor	8	132
21	Greċja	Kalomoira	Secret combination	Kombinazzjoni sigrieta	3	218
22	Spanja	Rodolfo Chiquilicuatre	Baila el Chiki-chiki	Iżfen iċ-Chiki-chiki	16	55
23	Serbja	Jelena Tomašević	Oro	(Żifna tradizzjonali)	6	160
24	Russja	Dima Bilan	Believe	Emmen	1	272
25	Norveġja	Maria Haukaas Storeng	Hold on be strong	Żomm sod, kun b'saħħtek	5	182

Il-Polonja, ir-Renju Unit u l-Ġermanja rċevew ilkoll 14-il punt. Waqt li r-regoli tal-festival jiddeskrivu mekkaniżmu dettaljat kif jiġi deċiż l-ewwel post jekk ikun hemm aktar minn pajjiż wieħed f'din l-istess pożizzjoni, hu ambigwu l-fatt jekk din il-proċedura tiġix applikata għall-pożizzjonijiet l-oħra. Jekk japplikaw, il-Ġermanja tikklassifika fit-23 post wara li rċiviet l-aktar 12-il punt. Il-Polonja ssegwi wara li kisbet aktar 10 punti mir-Renju Unit, u b'hekk dan ta' l-aħħar jispiċċa fil-25 post. Sorsi oħra jistgħu jillistjaw dawn it-tliet pajjiżi li qasmu t-23 post.

[editja] Mappa

[editja] Referenzi

[editja] Ħoloq oħra

• Sit uffiċċjali tal-Eurovision
• Radio Television of Serbia

Festival tal-Eurovision

1956 · 1957 · 1958 · 1959 · 1960 · 1961 · 1962 · 1963 · 1964 · 1965 · 1966 · 1967 · 1968 · 1969 · 1970 · 1971 · 1972 · 1973 · 1974 · 1975 · 1976 · 1977 · 1978 · 1979 · 1980 · 1981 · 1982 · 1983 · 1984 · 1985 · 1986 · 1987 · 1988 · 1989 · 1990 · 1991 · 1992 · 1993 · 1994 · 1995 · 1996 · 1997 · 1998 · 1999 · 2000 · 2001 · 2002 · 2003 · 2004 · 2005 · 2006 · 2007 · 2008 · 2009 Congratulations: 50 Sena ta' Eurovision Song Contest