Festival tal-Eurovision 2007

Minn Wikipedija, l-enċiklopedija ħielsa.

Festival tal-Eurovision 2007 "True Fantasy"
Finali	12 ta' Mejju 2007
Semi-Finali	10 ta' Mejju 2007
Preżentatur(i)	Jaana Pelkonen Mikko Leppilampi Krisse Salminen (mistieden)
Organizzatur	YLE
Sala	Hartwall Areena Helsinki, Finlandja
Rebbieħ	Serbja "Molitva"
Votazzjoni
In-nies minn kull pajjiż jistgħu jivvutaw permezz tat-telefown jew SMS. L-għaxar kanzunetti favoriti ta' kull pajjiż jingħataw 12, 10, u minn 8 sa punt skond il-voti tal-popolazzjoni ta' kull pajjiż. Kull pajjiż parteċipat fis-semi-finali u l-finali jridu jagħtu l-punti tagħhom fil-finali.
Parteċipanti	42: 28 fis-semi-finali; 24 fil-finali, 10 minnhom ġew mis-semi-finali.
Pajjiżi debuttanti	Ġeorġja Montenegro Repubblika Ċeka Serbja
Pajjiżi li rritornaw	Awstrija Ungerija
Pajjiżi li rtiraw	Monako
Pajjiżi mingħajr punt	ħadd
Att ta' l-intervall
Att tal-ftuħ	Vidjo ta' Lordi minn Rovaniemi
Festival tal-Eurovision
◄2006    •    2008►

Il-Festival tal-Eurovision 2007 kienet it-52 edizzjoni tal-Festival tal-Eurovision u ġie organizzat fil-Hartwall Areena ġewwa Helsinki, Finlandja fl-10 ta’ Mejju (għas-semi finali) u fit-12 ta’ Mejju (il-finali). Il-Finlandja kisbet id-dritt li torganiżża il-Festival meta rebħet il-festival ta’ l-2006 ġewwa Ateni, il-Greċja. Din kienet l-ewwel darba li l-festival sar fil-Finlandja u r-rebbieħ kien il-pajjiż debuttant tas-Serbja.^[1]

Baġit ta’ €13-il miljun ġie propost biex jitlesta l-festival. Bliet oħra li riedu jorganiżżaw kienu Espoo, Turku u Tampere. L-ospiti taż-żewġ serati kienu Jaana Pelkonen, personalita fil-qasam televiżiv Fillandiż, u Mikko Leppilampi, mużiċist u attur. Krisse Salminen kienet parti mill-preżentazzjoni tas-serata hekk kif iltaqgħet mal-kantanti fil-green room u anki man-nies barra fil-pjazez.

Kien hemm rekord ta' 42 pajjiż parteċipant fejn l-EBU marret kontra l-limitu ta' 40 pajjiż.

Werrej 1 Format 2 Pajjiżi parteċipanti 2.1 Semi-finali 2.2 Finali 3 Xandara internazzjonali 4 Mapep 4.1 Parteċipazzjoni 4.2 Pożizzjonijiet 5 Kontroversja 6 Gallerija 7 Referenzi 8 Ħoloq Oħra

[editja] Format

Fit-12 ta' Marzu 2007 kien hemm il-poloz għall-postijiet li fihom il-kantanti kienu se jinterpretaw id-diska fis-semi-finali u fil-finali, kif ukoll il-proċedura ta' kif il-pajjiżi kienu se jivvutaw. Kien hemm idea ġdida hekk kif ħames pajjiżi mis-semi-finali u tlieta mill-finali ntgħażlu biex jagħżlu l-post fejn riedu jintepretaw il-kanzunetta tagħhom. Fis-semi-finali, l-Awstrija, l-Andorra, it-Turkija, Slovenja u l-Latvja kellhom iċ-ċans li jagħżlu waqt li fil-finali x-xorti messet lill-Armenja, l-Ukrajna u l-Ġermanja. Il-pajjiżi kollha għażlu li jkantaw id-diska fit-tieni nofs taż-żewġ serati. Wara l-poloz, kull kanzunetta kienet approvata mill-EBU, fejn spiċċat il-possibilita ta' diskwalifikazzjoni għall-kanzunetta Iżraelita. Ir-Renju Unit għażlu l-kanzunetta wara ż-żmien stipulat hekk kif l-EBU tathom dispensazzjoni speċjali.

Is-sistemà tal-voti kienet l-istess bħall-2006, però kien hemm żieda ta' ħames minuti ma' l-għaxar minuti li kien hemm diġà. Fil-finali, ir-riżultati minn kull pajjiż kienu dehru għal darb'oħra minn wieħed sa seba' punti awtomatikament fuq l-iskrin u t-tmienja, l-għaxra u t-tnax-il punt kienu maqruha mill-persuni li kienu qed jippreżentaw il-voti tal-pajjiż. Ir-rebbieħ ngħata tour promozzjonali madwar l-Ewropa fejn żar id-Danimarka, Spanja, l-Isvezja, l-Olanda, il-Greċja u l-Ġermanja. Dan sar bejn is-16 ta' Mejju u l-21 ta' Mejju.

[editja] Pajjiżi parteċipanti

Pajjiżi parteċipanti fil-Festival tal-Eurovision iridu jkunu membri attivi ta' l-EBU

42 pajjiż bagħtu applikazzjonijiet preliminarji. Minkejja li fis-snin ta' qabel in-numru massimu ta' pajjiżi parteċipanti kien ta' 40, l-EBU approvat l-42 pajjiż fl-2007. Ir-Repubblika Ċeka, is-Serbja, il-Montenegro u l-Ġeorġja daħlu għall-ewwel darba fl-edizzjoni ta' l-2007.^[2] Monako ħabbret l-irtirar tagħha fit-12 ta' Diċembru 2006,^[3] u l-EBU ħabbret il-formazzjoni ta' kif se jitkantaw il-kanzunetti fil-15 ta' Diċembru 2006.

[editja] Semi-finali

Is-semi-finali saret nhar fl-10 ta' Mejju 2007. Għall-ewwel darba, 28 pajjiż tħallew jipparteċipaw fis-semi finali, u l-42 pajjiż parteċipant ivvota.

Il-kanzunetti li kkwalifikaw huma kkuluriti u b'tipa ħoxna.

#	Pajjiż	Artist/a/i	Kanzunetta	Traduzzjoni	Pożizzjoni	Punti
1	Bulgarija	Elitsa Todorova & Stoyan Yanukoulov	Water	Ilma	6	146
2	Iżrael	Teapacks	Push the button	Agħfas il-buttuna	24	17
3	Ċipru	Evridiki & D. Korgialas	Comme çi, comme ça	Hekk u hekk	15	65
4	Belarus	Koldun	Work your magic	Ħaddem il-maġija tiegħek	4	176
5	Iżlanda	Eiríkur Hauksson	Valentine lost	Valentinu mitluf	13	77
6	Ġeorġja	Sopho	Visionary dream	Ħolma viżjonarja	8	12
7	Montenegro	Stevan Faddy	’Ajde kroci	Ejja, idħol	23	33
8	Svizzera	DJ Bobo	Vampires are alive	Il-vampiri huma ħajjin	20	40
9	Moldova	Natalia Barbu	Fight	Iġġieled	10	91
10	Olanda	Edsilia Rombley	On top of the world	Fuq il-għoli tad-dinja	21	38
11	Albanija	Frederik Ndoci & Aida	Hear my plea	Isma it-talba tiegħi	17	49
12	Danimarka	DQ	Drama queen	Reġina ta’ reċta	19	45
13	Kroazja	Dragonfly feat. Dado Topić	Vjerujem u ljubav	Nemmen fl-imħabba	16	54
14	Polonja	The Jet Set	Time to party	Ħin li niddevertu	14	75
15	Serbja	Maria Šerifović	Molitva	Talba	1	298
16	Repubblika Ċeka	Kabát	Mála dáma	Tfajla żgħira	28	1
17	Portugall	Sabrina	Dança comigo	Iżfen miegħi	11	88
18	Maċedonja	Karolina	Mojot svet	Id-dinja tiegħi	9	97
19	Norveġja	Guri Schanke	Ven a bailar conmigo	Ejja iżfen miegħi	18	48
20	Malta	Olivia Lewis	Vertigo	Sturdament	25	15
21	Andorra	Anonymous	Salvem el món	Ejja nsalvaw id-dinja	12	80
22	Ungerija	Magdi Rúzsa	Unsubstantial blues	Dwejjaq insustanzjali	2	224
23	Estonja	Gerli Padar	Partners in crime	Imsieħba f’kriminalità	22	33
24	Belġju	The KMG’s	Love power	Poter ta’ l-imħabba	26	14
25	Slovenja	Alenka Gotar	Cvet z juga	Fjura tan-Nofs in-Nhar	7	140
26	Turkija	Kenan Doğulu	Shake it up şekerim	Ħawdu qalbi	3	197
27	Awstrija	Eric Papilaya	Get a life – Get alive	Ħu ħajja – Ħu l-għixien	27	4
28	Latvja	Bonaparti.lv	Questa notte	Dan il-lejl	5	168

[editja] Finali

Il-pajjiżi fil-finali kienu:

• l-erba' pajjiżi li jikkwalifikaw awtomatikament kull sena li huma Franza, il-Ġermanja, Spanja u r-Renju Unit;
• l-ewwel għaxra mill-finali ta' l-2006;
• l-ewwel għaxra mis-semi finali.

Il-finali saret fit-12 ta' Mejju 2007.

#	Pajjiż	Artist/a/i	Kanzunetta	Traduzzjoni	Pożizzjoni	Punti
1	Bosnia-Ħerżegovina	Marija	Rijeka bez imena	Xmara mingħajr isem	11	106
2	Spanja	D’NASH	I love you mi vida	Inħobbok qalbi	20	43
3	Belarus	Koldun	Work your magic	Ħaddem il-maġija tiegħek	6	145
4	Irlanda	Dervish	They can’t stop the Spring	Ma jistawx iwaqqfu ir-Rebbiegħa	24	5
5	Finlandja	Hanna Pakarinen	Leave me alone	Ħallini waħdi	17	63
6	Maċedonja	Karolina	Mojot svet	Id-dinja tiegħi	14	73
7	Slovenja	Alenka Gotar	Cvet z juga	Fjura tan-Nofs in-Nhar	15	66
8	Ungerija	Magdi Rúzsa	Unsubstantial blues	Dewjjaq insustanzjali	9	128
9	Litwanja	4FUN	Love or leave	Ħobb jew itlaq	21	28
10	Greċja	Sarbel	Yiassou Maria	Aw Marija!	7	139
11	Ġeorġja	Sopho	Visionary dream	Ħolma viżjonarja	12	97
12	Svezja	The Ark	The worrying kind	It-tip li ninkwieta	18	51
13	Franza	Les Fatals Picards	L'amour à la française	L-imħabba, stil Franċiż	22	19
14	Latvja	Bonaparti.lv	Questa notte	Dan il-lejl	16	54
15	Russja	Serebro	Song #1	Diska numru 1	3	207
16	Ġermanja	Roger Cicero	Frauen regier’n die Welt	In-nisa jmexxu d-dinja	19	49
17	Serbja	Marija Šerifović	Molitva	Talba	1	268
18	Ukranja	Verka Serduchka	Dancing lasha tumbai	Niżfnu lasha tumbai	2	235
19	Renju Unit	Scooch	Flying the flag (for you)	Intajru il-bandiera (għalik)	23	19
20	Rumanija	Todomondo	Liubi, liubi, I love you	Qalbi, qalbi, inħobbok	13	84
21	Bulgarija	Elitsa Todorova & Stoyan Yankoulov	Water	Ilma	5	157
22	Turkija	Kenan Doğulu	Shake it up şekerim	Ħawdu qalbi	4	163
23	Armenja	Hayko	Anytime you need	Kull meta jkollok bżonn	8	138
24	Moldova	Natalia Barbu	Fight	Iġġieled	10	109

[editja] Xandara internazzjonali

Awstralja

Minkejja l-Awstralja mhijiex eliġibbli biex tieħu sehem, il-festival jixxandar fuq l-SBS.^[4] Il-festival ma jixxandarx fil-ħin li jixxandar fl-Ewropa, iżda, fil-każ ta' l-edizzjoni ta' din is-sena s-semi-finali xxandret fit-12 ta' Mejju u l-finali fit-13 ta' Mejju. L-Awstralja xxandar mill-istazzjoni tar-Renju Unit, fejn jinkludi kommentarju ta' Paddy O'Connell u Terry Wogan. Ikun hemm madwar 432,000 persuna li jsegwu l-festival.^[5]

Ażerbajġan

L-Ażerbajġan kienu mistennija li jagħmlu d-debutt, però dan ma sarx minħabba AzTV applika biex jingħaqad ma' l-EBU imma dan kien miċħud nhar it-18 ta' Ġunju 2007 u għalhekk kellhom jistennew sakemm jiġu aċċettati. Stazzjon ieħor mill-Ażerbajġan, OTV, xandar is-serata. Hu hu membru passiv ta' l-EBU u ilu jxandar il-festival sentejn. Dan kien l-uniku stazzjon, din is-sena, li bagħat il-kummentaturi tiegħu f'Helsinki minkejja li pajjiżu ma kienx qed jieħu sehem.[1]

Italja

It-televiżjoni Taljana ma tiħux sehem minħabba li r-RAI, l-istazzjon nazzjonali, huwa f'kompetizzjoni qawwija ma' stazzjonijiet televiżivi kummerċjali u huma jemmnu li l-Eurovision ma jkunx popolari f'pajjiżhom, minkejja l-fatt li l-edizzjoni ta' l-1991 kienet segwita minn 6 miljun persuna.

Monako

Monako xandru l-finali fuq TMC wara li rtiraw mill-kompetizzjoni f'Diċembru 2006.

Madwar id-dinja

Xandira diretta saret permezz tas-satellita minn madwar id-dinja kollha bħal Channel One Russia, ERT World, TVE Inernacional, TVP Polonia, RTP Internacional and TVR i. Is-sit uffiċċjali tal-Festival tal-Eurovision ipprovda xandira diretta fuq l-internet permezz ta' Octoshape.

[editja] Mapep

[editja] Parteċipazzjoni

[editja] Pożizzjonijiet

[editja] Kontroversja

Ħafna pajjiżi pprotestaw kontra s-sistemà tal-voti fil-festival ta' l-2007. Robert Abela, kap tal-kontinġent Malti, ippropona li r-riżultati ma kinux "bbażati biss mill-vot pubbliku", fejn ammetta wkoll li t-tnax-il punt ta' Malta ngħata lir-Renju Unit bħala protesta. "Il-mod li l-voti huwa pproċessat fl-EBU hu ħażin, u hemm bżonn li jkun ristrutturat", qalu ħafna fans tal-Eurovision.^[6]

[editja] Gallerija

Anonymous ikantaw "Salvem el món" għall-Andorra	Hayko jkanta "Anytime you need" għall-Armenja	Koldun ikanta "Work Your Magic" għall-Belarus	Marija Šestić tkanta "Rijeka bez imena" għall-Bosnia-Ħerżegovina	Elitsa Todorova u Stoyan Yankulov ikantaw "Voda" għall-Bulgarija
Evridiki tkanta "Comme Ci, Comme Ça" għal Ċipru	Gerli Padar tkanta "Partners in crime" għall-Estonja	Hanna Pakarinen tkanta "Leave Me Alone" għall-Finland	Les Fatals Picards ikantaw "L'amour à la française" għal Franza	Sopho Khalvashi tkanta "Visionary Dream" għall-[[ Ġeorġja (pajjiż)|]]
Roger Cicero ikanta "Frauen regier'n die Welt" għall-Ġermanja	Sarbel ikanta "Yassou Maria" għall-Greċja	Magdi Rúzsa tkanta "Unsubstantial Blues" għall-Ungerija	Bonaparti.lv ikantaw "Questa Notte" għal-Latvja	Karolina Gočeva tkanta "Mojot Svet" għall-Maċedonja
Natalia Barbu tkanta "Fight" għall-Moldova	The Jet Set ikantaw "Time To Party" għall-Polonja'	Sabrina tkanta "Dança comigo" għall-Portugal'	Serebro ikantaw "Song #1" għar-Russja	Alenka Gotar tkanta "Cvet z juga" għall-Islovenja
D'NASH ikantaw "I Love You Mi Vida" għal Spanja	DJ Bobo jkanta "Vampires Are Alive" għall-Isvizzera	Kenan Doğulu jkanta "Shake It Up Shekerim" għat-Turkija	Verka Serduchka tkanta "Dancing Lasha Tumbai" għall-Ukrajna	Scooch ikantaw "Flying the Flag (for You)" għar-Renju Unit

[editja] Referenzi

[editja] Ħoloq Oħra

• Sit Uffiċċjali tal-Eurovision
• Sit Ufficcjali Malti ghall-fans tal-Eurovision

Festival tal-Eurovision

1956 · 1957 · 1958 · 1959 · 1960 · 1961 · 1962 · 1963 · 1964 · 1965 · 1966 · 1967 · 1968 · 1969 · 1970 · 1971 · 1972 · 1973 · 1974 · 1975 · 1976 · 1977 · 1978 · 1979 · 1980 · 1981 · 1982 · 1983 · 1984 · 1985 · 1986 · 1987 · 1988 · 1989 · 1990 · 1991 · 1992 · 1993 · 1994 · 1995 · 1996 · 1997 · 1998 · 1999 · 2000 · 2001 · 2002 · 2003 · 2004 · 2005 · 2006 · 2007 · 2008 · 2009 Congratulations: 50 Sena ta' Eurovision Song Contest