പി.വി. നരസിംഹ റാവു
വിക്കിപീഡിയ, ഒരു സ്വതന്ത്ര വിജ്ഞാനകോശം.
പി.വി. നരസിംഹ റാവു (മുഴുവന് പേര്: പാമൂലപാര്ഥി വെങ്കിട നരസിംഹറാവു)(ജനനം - 28 ജൂണ് 1921;മരണം- 23 ഡിസംബര് 2004) - ഇന്ത്യയുടെ ഒന്പതാമത്തെ പ്രധാനമന്ത്രി. ബഹുഭാഷാ പണ്ഡിതന്, എഴുത്തുകാരന് എന്നീ നിലകളിലും പ്രശസ്തനാണ്. താരപ്രഭ തെല്ലുമില്ലാതെ അധികാര രാഷ്ട്രീയത്തിന്റെ ഉയര്ന്ന പടികള് ചവിട്ടിക്കയറിയ റാവു, തന്ത്രശാലിയായ രാഷ്ട്രീയ നേതാവായിരുന്നു.
[തിരുത്തുക] ജീവിതരേഖ
ആന്ധ്രാപ്രദേശിലെ ഹൈദരാബാദില് ഒരു ബ്രാഹ്മണ കുടുംബത്തിലായിരുന്നു റാവുവിന്റെ ജനനം. സ്വാതന്ത്ര്യ സമരത്തിലൂടെ രാഷ്ട്രീയ രംഗത്തെത്തിയ അദ്ദേഹം സ്വാതന്ത്ര്യാനന്തരം കോണ്ഗ്രസിന്റെ നേതൃപദവിയിലേക്കുയര്ന്നു. നെഹ്റു മന്ത്രിസഭയില് 1962-ല് അംഗമായി. ഇതോടെ നെഹ്റു കുടുംബവുമായുള്ള അടുപ്പവും അരക്കിട്ടുറപ്പിച്ചു. നെഹ്റുവിനുശേഷം മകള് ഇന്ദിര കോണ്ഗ്രസിന്റെ നേതൃനിരയിലെത്തിയപ്പോള് റാവു അവരുടെ അടുത്തയാളായി. 1969-ല് കോണ്ഗ്രസ് പിളര്ന്നപ്പോള് റാവു ഇന്ദിരയോടൊപ്പം ഉറച്ചു നിന്നു. 1971 മുതല് രണ്ടുവര്ഷക്കാലം ആന്ധ്രാ പ്രദേശ് മുഖ്യമന്ത്രിയുമായി. മുഖ്യമന്ത്രിപദവിയൊഴിഞ്ഞ് വീണ്ടും കേന്ദ്രരാഷ്ട്രീയത്തില് തിരിച്ചെത്തിയ റാവു ഇന്ദിരാ ഗാന്ധി, രാജീവ് ഗാന്ധി എന്നിവരുടെ മന്ത്രിസഭകളില് സുപ്രധാന വകുപ്പുകള് വഹിച്ചു. ഭരണ രംഗത്തുള്ള ഈ പരിചയമാണ് യഥാര്ഥത്തില് റാവുവിനെ പ്രധാനമന്ത്രി പദംവരെയെത്തിച്ചത്.
ഇന്ത്യയുടെ പ്രധാനമന്ത്രിമാര് |
---|
ജവഹര്ലാല് നെഹ്റു • ഗുല്സാരിലാല് നന്ദ • ലാല് ബഹാദൂര് ശാസ്ത്രി • ഇന്ദിരാ ഗാന്ധി • മൊറാര്ജി ദേശായി • ചരണ് സിംഗ് • രാജീവ് ഗാന്ധി • വി പി സിംഗ് • ചന്ദ്രശേഖര് • പി വി നരസിംഹ റാവു • എ ബി വാജ്പേയി • എച്ച് ഡി ദേവഗൌഡ • ഐ കെ ഗുജ്റാള് • മന്മോഹന് സിംഗ് |