എ.കെ. ഗോപാലന്‍
വിക്കിപീഡിയ, ഒരു സ്വതന്ത്ര വിജ്ഞാനകോശം.
ഇന്ത്യയിലെ കമ്യൂണിസ്റ്റ് പ്രസ്ഥാനം
 |
|
കമ്മ്യൂണിസ്റ്റ് പാര്‍ട്ടി ഓഫ് ഇന്ത്യ |
|
കമ്മ്യൂണിസ്റ്റ് പാര്‍ട്ടി ഓഫ് ഇന്ത്യ (മാര്‍ക്സിസ്റ്റ്) |
|
നക്സല്‍ ബാരി ഉദയം |
|
സോഷ്യലിസ്റ്റ് യൂണിറ്റി സെന്റര്‍ ഓഫ് ഇന്ത്യ |
|
എ.കെ. ഗോപാലന്‍ |
|
തെഭാഗ പ്രസ്ഥാനം |
|
കമ്യൂണിസം |
| കമ്മ്യൂണിസം കവാടം |
ആയില്യത്ത് കുറ്റ്യാരി ഗോപാലന്‍ നമ്പ്യാര്‍, എ.കെ.ജി. എന്ന പേരീല്‍ അറിയപ്പെട്ടു. ഇന്ത്യയിലെ ആദ്യ പ്രതിപക്ഷനേതാവായിരുന്ന കമ്മ്യൂണിസ്റ്റ് നേതാവ്. സ്വാതന്ത്ര്യ സമരസേനാനി, സാമൂഹിക പ്രവര്‍ത്തകന്‍, തൊഴിലാളി നേതാവ്, ഇന്ത്യന്‍ കോഫി ഹൌസിന്റെ സ്ഥാപകന്‍ എന്നീ നിലകളില്‍ പ്രശസ്തനായി.
ഉള്ളടക്കം |
[തിരുത്തുക] ആദ്യകാലം
1904 ഒക്റ്റോബര്‍ ഒന്നാം തിയതി വടക്കന്‍ കേരളത്തിലെ കണ്ണൂര്‍ ജില്ലയില്‍ ജനിച്ചു. വിദ്യാഭ്യാസം തലശ്ശേരിയിലായിരുന്നു.പഠനശേഷം അധ്യാപകനായി ജോലിചെയ്തുകൊണ്ടിരിക്കുമ്പോഴാണ് ഗാന്ധിജിയില്‍ നിന്നും ആദര്‍ശം ഉള്‍ക്കൊണ്ട് സ്വാതന്ത്ര്യ സമരത്തില്‍ പങ്കുകൊണ്ടു. 1927-ല്‍ ഇന്ത്യന്‍ നാഷണല്‍ കോണ്‍ഗ്രസില്‍ ചേര്‍ന്നു രാഷ്ട്രീയ പ്രവര്‍ത്തനം തുടങ്ങി. ഖാദിയുടെ പ്രചരണത്തിലും ഹരിജന ഉദ്ധാരണത്തിനും വേണ്ടി കഠിനമായി പ്രവര്‍ത്തിച്ചു. ഉപ്പു സത്യാഗ്രഹത്തില്‍ പങ്കെടുത്തതിന് 1930-ല്‍ അദ്ദേഹം തടവിലാക്കപ്പെട്ടു.
[തിരുത്തുക] ഇടതുപക്ഷത്തേക്ക്
തടവിലായിരിക്കുമ്പോഴാണ് അദ്ദേഹം ഇടതുപക്ഷ ചിന്താധാരയിലേക്ക് ആകര്‍ഷിക്കപ്പെട്ടത്. ആദ്യം കോണ്‍ഗ്രസ് സോഷ്യലിസ്റ്റ് പാര്‍ടിയിലും, 1939 ല്‍ കേരളത്തില്‍ കമ്മ്യൂണിസ്റ്റ് പാര്‍ട്ടി രൂപം കൊണ്ടപ്പോള്‍ അതിലും ചേര്‍ന്നു പ്രവത്തിച്ചു. 1937 ല്‍ തിരുവിതാംകൂറില്‍ ഉത്തരവാദിത്വ സര്‍ക്കാരിനു വേണ്ടിയുള്ള പ്രക്ഷോഭത്തിനു പിന്തുണ നല്‍കി, മലബാര്‍ മുതല്‍ മദിരാശി വരെയുള്ള നിരാഹാര മലബാര്‍ ജാഥക്ക് എ.കെ.ജി ആണ് നേതൃത്വം നല്‍കിയത്.
രണ്ടാം ലോകമഹായുദ്ധകാലത്ത് ബ്രിട്ടീഷ് ഭരണത്തിനെതിരെയുള്ള ജനങ്ങളുടെ പ്രതികരണം കൂടുതല്‍ ശക്ത്മായതോടെ 1939-ല്‍ അദ്ദേഹം വീണ്ടും തടവിലായി. 1942-ല്‍ തടവില്‍ നിന്നും രക്ഷപ്പെട്ട് ഒളിവില്‍ പോയി. 1945-ല്‍ യുദ്ധം അവസാനിക്കുന്നതു വരെ ഈ ഒളിവുജീവിതം തുടര്‍ന്നു. യുദ്ധത്തിനു ശേഷം വീണ്ടും തടവിലകപ്പെടുകയും ഇന്ത്യ സ്വതന്ത്രമാകപ്പെടും വരെ തടവില്‍ തുടരുകയും ചെയ്തു.
ഇന്ത്യ റിപ്പബ്ലിക്കായതിനു ശേഷം അദ്ദേഹത്തിന്റെ മരണം വരെ തുടര്‍ച്ചയായി 5 തവണ ലോക്സഭാംഗമായി. ലോക്സഭയിലെ ആദ്യത്തെ പ്രതിപക്ഷനേതാവായിരുന്നു അദ്ദേഹം.
1964ല്‍ കമ്മ്യുണിസ്റ്റ് പാര്‍ട്ടി പിളര്‍ന്നപ്പോള്‍ സി.പി.ഐ.എം.ല്‍ നില്‍ക്കുകയും അതിലെ ഏറ്റവും പ്രധാനപ്പെട്ട നേതാവുമായി മാറി. കേരളത്തിലെ കമ്മ്യൂണിസ്റ്റ് പ്രസ്ഥാനത്തിന്റെ വളര്‍ച്ചക്ക് ഏറെ സംഭാവനകള്‍ നല്‍കിയ നേതാവാണ് എ.കെ.ജി. സ്വാതന്ത്ര്യത്തിനു ശേഷവും അധസ്ഥിതരുടെ ഉന്നമനത്തിനു വേണ്ടി പ്രവര്‍ത്തിച്ചു. ദില്ലിയിലെ സി.പി.ഐ.എം. ന്റെ ആസ്ഥാനമന്ദിരം എ.കെ.ജി. ഭവന്‍ എന്ന പേരിലാണ് അറിയപ്പെടുന്നത്.
[തിരുത്തുക] വ്യക്തിജീവിതം
മാര്‍ക്സിസ്റ്റ് തൊഴിലാളി നേതാവായിരുന്ന സുശീലയെയാണ്, എ.കെ.ജി വിവാഹം കഴിച്ചത്. ഇപ്പോള്‍ കാസര്‍ഗോഡിനെ പ്രതിനിധീകരിക്കുന്ന ലോക്സഭാംഗമായ പി. കരുണാകരന്‍ അദ്ദേഹത്തിന്റെ മരുമകനാണ്.
[തിരുത്തുക] ഇന്ത്യന്‍ കോഫീ ഹൌസ്
ലോകത്തെ ഏറ്റവും വലിയ തൊഴിലാളി സഹകരണ സംരംഭമായ[അവലംബം ചേര്‍ക്കേണ്ടതുണ്ട്] ഇന്ത്യന്‍ കോഫീ ഹൌസിന്റെ സ്ഥപകനാണ് എ.കെ.ജി. കോഫീ ബോര്‍ഡിന്റെ കോഫീഹൌസുകളില്‍ നിന്നും പുറത്താക്കപ്പെട്ട അവസാന ഗ്രേഡ് തൊഴിലാളികളെ സംഘടിപ്പിച്ചാണ് അദ്ദേഹം ഇതിന് നേതൃത്വം നല്‍കിയത്.
 ഇന്ത്യന്‍ സ്വാതന്ത്ര്യസമര നേതാക്കള്‍  |
|
|---|---|
| അക്കാമ്മ ചെറിയാന്‍ - ആനി ബസന്‍റ് - ഇക്കണ്ടവാര്യര്‍ - കസ്തൂര്‍ബാ ഗാന്ധി - എ.വി. കുട്ടിമാളു അമ്മ - ഐ.കെ. കുമാരന്‍ - സി. കേശവന്‍ - കെ.പി. കേശവമേനോന്‍ - കെ. കേളപ്പന്‍ - കെ.കെ. കുഞ്ചുപിള്ള - ഗാഫര്‍ ഖാന്‍ -ഗോഖലെ - എ.കെ. ഗോപാലന്‍ - സി.കെ. ഗോവിന്ദന്‍ നായര്‍ - ചന്ദ്രശേഖര്‍ ആസാദ് -ചെമ്പകരാമന്‍ പിള്ള - നെഹ്‌റു - ജോര്‍ജ്ജ് ജോസഫ് - ഝാന്‍സി റാണി - താന്തിയാ തോപ്പി - ദാദാഭായ് നവറോജി - കെ.എ. ദാമോദരമേനോന്‍ - ഇ.എം.എസ്. നമ്പൂതിരിപ്പാട് - പട്ടം താണുപിള്ള - പനമ്പിള്ളി ഗോവിന്ദമേനോന്‍ - എ.കെ. പിള്ള - ബാല ഗംഗാധര തിലക് - ഭഗത് സിംഗ് - മംഗള്‍ പാണ്ഡേ - മഹാത്മാ ഗാന്ധി - മഹാദേവ് ഗോവിന്ദ് റാനാഡേ - ഭിക്കാജി കാമ -കെ. മാധവന്‍ നായര്‍ -മുഹമ്മദ് അബ്ദുള്‍ റഹിമാന്‍ - മൗലാനാ ആസാദ് - മുഹമ്മദലി ജിന്ന - മദന്‍ മോഹന്‍ മാളവ്യ - രാജഗോപാലാചാരി - ലാലാ ലജ്പത് റായ് - വക്കം മൗലവി - വിജയലക്ഷ്മി പണ്ഡിറ്റ് - സി.ശങ്കരന്‍ നായര്‍ - സരോജിനി നായിഡു - പട്ടേല്‍ - ബോസ് - സ്വദേശാഭിമാനി രാമകൃഷ്ണപിള്ള - റാഷ്‌ ബിഹാരി ബോസ് - ബിപിന്‍ ചന്ദ്ര - പുരുഷോത്തം ദാസ് ടാണ്ടന്‍ - കുഞ്ഞാലി മരക്കാര്‍ - ടിപ്പു സുല്‍ത്താന്‍ - കൂടുതല്‍... | |
 |
ഈ ലേഖനം അപൂര്‍ണ്ണമാണ്. ഇതു പൂര്‍ത്തിയാക്കുവാന്‍ സഹകരിക്കുക. |
