Орксофта

Википедиесь-ста

Орксофта (Panthera leo) - рявсь Felidae тъналста, фкя ниле "оцю катаста" Panthera симанксса. Сталмоц 200 килошка. Сон омбоце сяда оцю катаста бабрида меле. Тяни орксофтт эряйхть идем Сахарти малады паксява ди Азияса коса синнеда пяк кържа судардсть кельме-шивалгомширень Индияса, интай кунара юмасть кельмеширень Африкста, Кучка Шиньстяма ширеста, шивалгомширень Азияста. 10,000 кизода инголе орксофтт ульсть сидеста васьфневихть лофцонь търяйхнень ёткса ломаньда меле. Синь эрясть сембе Африкова, Йавразиява шивалгом Йавропань сявомок Индия ди Америкти (Йукон ляйда Перу масторти).

Орксофта сонь лефксонц мархта ярхцайхть

Орксофтт эряйхть 10-14 кизошка идем эрямаса, пякстаф кирдемаса 20 кизоти. Синь сидеста эряйхть саваннава, тише паксява, нъльне ситерькс вастова ди вирьге. Орксофтт пяк эсь тъналонь кельгихне иля кататнень коряс. Орксофтонь прайд (тънал) ащи эсь авакатада, синь лефкстост эди кържа лув пря атякатада. Авакатань полгац марса ракшатнень кунци пестяфнень кочказь. Орксофтсь ару рявсь эди ине вии рявсь.

Орксофтт пяк марявихть перьфпялень полафтоманцты, кепотьксонди синь тъналсна кирьсть 50%-ти сядагърда ётай 20-шка кизот Африкова. Синь тъналсна ашесть сударда аф ванфтови Африконь аймакова. Шарьхкодеви, цебярь эряма вастнень афсатыкс эди ломанень мархта тюрематне синь тъналснонь киреманц туфталоц. Орксофтнень кирдезь ряв перьфова Рим мастор пингста ди XVIII сядокизонь кучкаста синь ине мяльстушендольхть ракшань перева сембе масторлангса. Тяниень пингста ракшань перет латци соткссна ди фкя-фкянь лездыхть ванфтомс кулси азиянь орксофтт.

[петнемс] Лемонц шачемац

Мокшень лем «орксофта» пяк кунара ди шачсь «ор» эди «офта» валста. Иля кяльса орксофтонь лемсна лиссть латинонь «leo» валста. Мокшень корхтафга ванфтовсь иля орксофтонь лемоц «орослан» кона сась Азиянь "Аслан" эли "Арслан’’ (оттоманонь ارسلان arslān эди اصلان aṣlān) эди шачсь туркань ди монголонь кяльста. Сельжук туркат, оттоматт эди иратт мярьгсть «Орослан» синь оцязорснонды.

[петнемс] Орксоц

Орксфтома атя-орксофта Шистяма Ломаньтъналонь Ванфтома вирьмасторста Цаво, Кения

Орксофтонь орксонц псилма эрьхтефкссонза няеви кода орксоц теенза лезды кирдемс пси.

Иля катань ёткова орксофтсь фкясь кинь ули тяфтама оркссь. Сон няеви сяда оцюкс орксть эзда. Оркссь лезды иля калопнень мархта тюреманцти, кепотьксонди ине душманонц путьку гиен мархта.