Lion

From Wikipedia

Ch't' articl'ye fut c'menchie en Jèrriais

• lioun
• lion
• lliaon
• lyõ

Lé lion (en Latîn: Panthera leo) est un mammiféthe mangeux d'viande d'la fanmil'ye des f'lîns. Ch'est lé deuxième pus grand des f'lîns - ch'est l'tigre tch'est pus grand.

Cont'nu 1 Géographie 2 Caractéristiques 3 Sŷmbolisme 4 Ditons

[amendaer] Géographie

Dans les touos vièrs temps, les lions soulaient d'meuther en Ûrope, en Âsie et en Afrique, mais d'pis lé deuxième siècl'ye auprès l'Christ il' ont dispathu d'l'Ûrope et i' n'y'en a d'aut' hardi en Âsie nitout, sèl'ment dans l'Nord-Vouêt d'l'Înde. I' d'meuthent acouo dans des grandes parties d'l'Afrique mais i' sont m'nichis là étout.

[amendaer] Caractéristiques

Les lions sont pustôt couleu d'sablion, mais y'en a tchi sont bliancs mais ch'est d'tchi rare. Les mâles dé lion ont eune crîngne tchi peut êt' néthâtre - les lionnes n'ont pon d'crîngne. Les lions d'meuthent dé couôteunme dans un troupé: un lion, ou un lion et ses fréthes, et des lionnes et lus p'tits lions. Y'a des lions à lus touos seurs étout tch'ont à attriotchi des lionnes pouor faithe un troupé.

Les lions pâssent eune grande partie d'la journée à lus spalmer - i' sont piêssants mais i' n'couothent pon bein quédaine, et chassent pustôt les vielles bêtes ou les malades. En troupieaux, il' entouothent un troupé d'bêtes (chèrs Afritchains, zèbres, couochons Afritchains, buffl'yes) et gaffent des cheins tchi sont pannitchis dans la goule des lions à l'entou.

[amendaer] Sŷmbolisme

Lé lion est l'rouai des bêtes et a 'té fait sèrvi coumme sŷmbole dé rouoyaumes dépis les vièrs temps. Ch'est un sŷmbole dé protection en Chinne ouaithe qu'les lions n'aient janmais d'meuthé là d'pis l'arrivée des gens là.

[amendaer] Ditons

• fort coumme un lion
• mârri coumme un lion