Zoeterwoude
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Zoeterwoude is e dörp en 'n gemeinte in de Nederlandse provincie Zuid-Holland, aon d'n Awwe Rien, mèt op 1 januari 2006 8.495 inwoeners en 'n oppervlak vaan 21,68 km² (daovaan 1,07 km² water). 't Dörp umvat versjèllende kerne/naobersjappe, boevaan Zoeterwoude-Dorp en Zoeterwoude-Rijndijk de belangriekste zien.
[bewirk] Historie
Zoeterwoude is geneump nao Swieten, e verdwene dörp wat ouch Zoetermeer aon ziene naom geholpe heet en roond 750 veur 't iers es Suetan opduuk. In 1205 weurt Zoeterwoude veur 't iers indirek, in 'ne persoensnaom, geneump, in 1276 duuk 't op es zelfstendege plaots- of ambsnaom, es Floris V vaan Holland 't in lein gief aon Dirk van Santhorst. 't Ambach is hiel groet, meh de stad Leie annexeert herhaoldelek stökker groondgebeed in 't weste. Nao 't Belag vaan Leie in 1574 weurt Zoeterwoude hielemaol geëvacueerd en platgebrand om 't sjotsveld vaan de kanonne te kinne vergroete. In de decennia daonao bouwt me 't dörp weer op, boenao 't tot 'n zeker welvaart kump. In de twintegste iew zien mieder planne tot annexatie door Leie aofgesloge.
