Westvoorne
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Westvoorne is 'n gemeinte in de Nederlandse provincie Zuid-Holland, op Voorne-Putten, aon de Noordzie, mèt 14.238 inwoeners per 1 januari 2006 en 'n oppervlak vaan 97,53 km2 (daovaan 43,35 km2 water). De gemeinte umvat de kerne Oostvoorne, Rockanje (raodhoes) en De Tinte.
De gemeinte Westvoorne is in 1980 oontstoon oet 'n fusie vaan Oostvoorne, Rockanje en De Tinte. De discrepantie tösse de gemeintenaom Westvoorne en de dörpsnaom Oostvoorne is op historische grun te verklaore. Inderdaod ligk de gemeinte Westvoorne, en ouch 't dörp Oostvoorne, hielemaol in 't weste vaan 't aajd eiland Voorne. De dörpsnaom herinnert evels aon d'n tied tot Goerree ouch wel Westvoorne geneump woort. In 't verleie waore de drei dörper oet Westvoorne en 't eiland Goeree sterk mètein verbonde; zoe spraoke ze 'tzelfde Ziews dialek. Intösse heet de gemeinte Westvoorne ziech mie bij Rotterdam en umgeving aongeslote.
