Rijswijk
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Rijswijk (Hollands Rèswèk) is 'n plaots en gemeinte in de Nederlandse provincie Zuid-Holland, t'n ooste vaan D'n Haog, boe 't 'n veurstad vaan is. 't Aontal inwoeners bedroog per 1 januari 2006 47.217, 't oppervlak is oongeveer 14 km2.
Rijswijk oontstoont oongeveer 800 jaor geleie es dörp. In de achtiende iew oontwikkelde 't amb ziech door forensisme vaan rieke Haogenere die dao e boetehoes gónge vestege. Vaan de minstes 24 vaan die boetehoezer is Drievliet 't bekindste gebleve, umtot op ziene groond later e pretpark gebouwd woort. In later tije naom dat forensisme allein mer touw en in de twintegste iew is Rijswijk gans aon D'n Haog vasgegreujd. Versjèllende planne veur inlieving vaan Rijswijk bij D'n Haog zien verworpe.
