Roemeens
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
't Roemeens is 'n Oos-Roemaanse taol die in Roemenië en Moldavië door de mierderheid vaan de bevolking gesproke weurt. Allewel in Moldavië meistal vaan "Moldavisch" gesproke weurt, geit 't hei dudelek um dezelfde taol. Wijers weure zuideleker op de Balkan nog dialekte gesproke die hiel kort bij 't Roemeens stoon; zuug ouch Aroemeens. Alles bijein zien 'rs oongeveer 28 miljoen minse mèt Roemeens es ierste taol.
[bewirk] Klaanklier, grammair en vocabulair
't Roemeens huurt, wie gezag, mèt 't Italiaans, tot de Oos-Roemaanse taolgroop, dat wèlt zègke tot 't miervoud de oetgange -i en -e gebroek, neet -os en -as. 't Roemeens kint versjeie diftonge, die oontstoon zien oet breking vaan lang monoftonge (ea, oa). De -i is de afgeloupe iewe vervalle.
't Roemeens is de einege Roemaanse taol die nog get vaan 't Latiense naomvellesysteem euvergehawwe heet: vruiwleke wäörd höbbe in 't inkelvoud ein vörm veur de nominatief/accusatief en ein veur de genitief/datief. De meiste Latiense oonzijege wäörd zien in 't Roemeens mennelek in 't inkelvoud en vrouwelek in 't miervoud; Roemeense grammatica's spreke dèks vaan ambigen (twieslechteg) veur neutru (oonzijeg). Wie 't Italiaans heet 't Roemeens drei vaan de veer conjugaties vaan verbe bewoerd.
't Vocabulair vaan 't Roemeens versjèlt vaan de aander Roemaanse taole umtot väöl Slavische wäörd drinzitte, die via de Slavische naobere, meh veural door 't Kèrkslavisch drin gekoume zie. Wijers heet 't ouch Törkse (oet d'n tied vaan de Törkse euverhiersing) en Griekse wäörd.
[bewirk] Extern linke
- Wikipedia op 't Roemeens
- EasyRomanian (Ingelstaolege cursus Roemeens)
